ഇരിട്ടി : പുഴയില് കുളിക്കാനിറങ്ങി ഒഴുക്കില്പെട്ട മകനെ രക്ഷിക്കാന് ശ്രമിക്കുന്നതിനിടെ യുവതിയും സഹോദരപുത്രനും മുങ്ങി മരിച്ചു. ഉളിക്കല് നുച്ചിയാട് പുഴയില് വെള്ളിയാഴ്ച ഉച്ചയോടെയാണ് ദാരുണ സംഭവം.
കോരമ്പത്ത് മുഹമ്മദ് – മറിയം ദമ്പതികളുടെ മകള് താഹിറ (32), ബഷീര്- ഹസീന ദമ്പതികളുടെ മകന് ബാസിത് (13) എന്നിവരാണ് മരിച്ചത്. ഒഴുക്കില്പ്പെട്ട് കാണാതായ താഹിറയുടെ മകന് ഫയാസി(13)നായി ഇരിട്ടി ഫയര്ഫോഴ്സും പോലീസും നാട്ടുകാരും തെരച്ചില് തുടരുകയാണ്. താഹിറയുടെയും ബാസിതിന്റെയും മൃതദേഹം പോസ്റ്റുമോര്ട്ടത്തിനായി പരിയാരം ഗവ. മെഡിക്കല് കോളജ് ആശുപത്രിയിലേക്ക് മാറ്റി. ഉളിക്കല് പഞ്ചായത്ത് നുച്ചിയാട് വാര്ഡ് മെമ്പര് കബീറിന്റെ സഹോദരിയാണ് മരിച്ച താഹിറ.
