തൊടുപുഴ: രണ്ടാഴ്ചയായി ജില്ലയിൽ ഭേദപ്പെട്ട മഴ തുടരുന്നു. തൊടുപുഴ ഉൾപ്പെടെ ലോറേഞ്ച് മേഖലകളിലും ഹൈറേഞ്ചിലും ഉച്ചകഴിഞ്ഞാണ് മിന്നലോടെയുള്ള മഴ. ഇടുക്കി അണക്കെട്ടിന്‍റെ വൃഷ്ടി പ്രദേശങ്ങളിലും തൊടുപുഴ താലൂക്കിലുമാണ് മഴ കൂടുതൽ. മഴ തുടരുമെന്നാണ് പ്രവചനം. ജില്ലയിൽ ആഗസ്റ്റിൽ മഴ നിരാശപ്പെടുത്തിയെങ്കിലും സെപ്റ്റംബറിൽ നന്നായി ലഭിച്ച് തുടങ്ങിയിട്ടുണ്ട്. ഇതോടെ അണക്കെട്ടുകളിലെ ജലനിരപ്പും ഉയർന്ന് തുടങ്ങി. നീരൊഴുക്ക് നിലച്ച വെള്ളച്ചാട്ടങ്ങളും സജീവമായിട്ടുണ്ട്. ജൂൺ മുതൽ ആഗസ്റ്റ് വരെ ലഭിച്ച മൺസൂൺ മഴയിൽ 62 ശതമാനം കുറവാണ് രേഖപ്പെടുത്തിയത്. ആഗസ്റ്റിൽ മഴ കുറഞ്ഞത് കാർഷിക മേഖലയെ പ്രതിസന്ധിയിലാക്കിയിരുന്നു. വരൾച്ച സാധ്യത ഉൾപ്പെടെ കൃഷിക്കാർ പ്രവചിച്ചിരുന്നു. ഒരിടവേളക്ക് ശേഷം മഴ പെയ്തു തുടങ്ങിയത് കാർഷിക മേഖലക്കും ആശ്വാസമായി. ജില്ലയിലെ മഴക്കുറവ് 56 ശതമാനമായി ചുരുങ്ങിയിട്ടുണ്ട്. സംസ്ഥാനത്ത് ഏറ്റവുമധികം മഴക്കുറവ് രേഖപ്പെടുത്തിയ ജില്ലകളിലൊന്നാണ് ഇടുക്കി.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 94473 66263 /0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
