കോട്ടയo: കോട്ടയത്തെ ചില പാടങ്ങളില്‍ ഇപ്പോള്‍ പിങ്ക് വസന്തമാണ്. അത്തമൊരു കാഴ്ച്ചയാണ് പനച്ചിക്കാട് ക്ഷേത്രത്തിന് സമീപമുള്ള അമ്പാട്ട് കടവിലെത്തിയാല്‍ കാണാന്‍ കഴിയുക. കണ്ണെത്താത്ത ദൂരത്ത് ആമ്പലുകള്‍ വസന്തം വിരിയിച്ചതോടെ പാടത്തിന് നടുവില്‍ ഊഞ്ഞാലുകള്‍ നിര്‍മ്മിച്ചു. വള്ളത്തില്‍ സഞ്ചരിച്ച്‌ പൂവുകള്‍ അടുത്ത് കാണുവാനുമാണ് തദ്ദേശീയര്‍ അവസരം ഒരുക്കുന്നത്. പ്രാദേശിക ടൂറിസം ഫലപ്രദമായി പ്രയോജനപ്പെടുത്തുകയാണ് പനച്ചിക്കാട് അമ്പാട്ട് കടവ് ഗ്രാമം. ഇവിടെ എത്തുന്നവരെ പാടത്ത് പൂത്ത് നില്‍ക്കുന്ന ആമ്പലുകള്‍ക്കിടയിലൂടെ വള്ളത്തില്‍ എത്തിച്ചാണ് നാട്ടുകാര്‍ കാഴ്ച്ചയുടെ വസന്തം ഒരുക്കുന്നത്. പാടത്തിന് നടുവിലെ ഊഞ്ഞാലില്‍ ഇത്തിരിനേരമിരുന്ന് ആടി രസിക്കാനും ഇവിടെ അവസരമുണ്ട്.
