വാട്സ്ആപ്പ് ഡിസപ്പിയറിങ് മെസേജ് ഫീച്ചർ എല്ലാവർക്കും പരിചയമുള്ള ഫീച്ചറാണ്. ഏതെങ്കിലും ഒരു ചാറ്റിൽ അയക്കുന്ന മെസേജുകൾ തനിയെ ഡീലീറ്റ് ആകുന്ന ഫീച്ചറാണ് ഇത്. ഇപ്പോഴിതാ വാട്സ്ആപ്പ് എല്ലാ ചാറ്റുകളിലും ഈ ഫീച്ചർ നൽകുന്ന ഡിസപ്പിയറിങ് മോഡ് തന്നെ അവതരിപ്പിക്കാനുള്ള ഒരുക്കത്തിലാണ്. എല്ലാ ചാറ്റുകളിലും ഒരേ സമയം ഡിസപ്പിയറിങ് മെസേജസ് ഫീച്ചര്‍ ഓണ്‍ ചെയ്യാന്‍ പുതിയ ഫീച്ചര്‍ സഹായിക്കുന്നു.
ഡിസപ്പിയറിങ് മോഡ് ഒരു പുതിയ പ്രൈവസി സെറ്റിങ്‌സ് ആണ്. ഇത് ബീറ്റ ടെസ്റ്ററുകളില്‍ മാത്രമേ നിലവില്‍ ലഭ്യമാകുന്നുള്ളു. ഇതിലൂടെ പുതിയ ചാറ്റ് ത്രെഡുകള്‍ ഓട്ടോമാറ്റിക്കായി ഡിസപ്പിയറിങ് ചാറ്റുകളായി മാറും.
വാട്സ്ആപ്പിൽ നിങ്ങൾ ഡിസപ്പിയറിങ് മോഡ് എനേബിൾ ചെയ്താൽ നിലവിൽ ഉള്ള ചാറ്റുകളിലേക്ക് പുതുതായി അയക്കുന്ന മെസേജുകളും പുതുതായി നിങ്ങളുടെ ഫോണിലേക്ക് വരുന്ന മെസേജുകളുള്ള ചാറ്റുകളോ ഡിസപ്പിയറിങ് ആയിരിക്കും.
നിശ്ചിത സമയം കഴിഞ്ഞാൽ അവ തനിയെ ഡിലീറ്റ് ആയിപോകുമെന്നും റിപ്പോർട്ടിൽ പറയുന്നു. ഈ ഫീച്ചർ എപ്പോഴായിരിക്കും എല്ലാ ഉപയോക്താക്കൾക്കുമായി ലഭ്യമാകുക എന്ന കാര്യം വ്യക്തമല്ല. ബീറ്റ ടെസ്റ്റിങിൽ ആയതിനാൽ തന്നെ അധികം വൈകാതെ ഫീച്ചർ പുറത്തിറങ്ങിയേക്കും.
