വാട്സ്ആപ്പ് അവരുടെ ഏറ്റവും പുതിയ 2.21.140.11 ബീറ്റ അപ്ഡേറ്റ് പുറത്തിറക്കി. വാട്സപ്പ് കോളുകൾക്ക് പുതിയ ഫീച്ചറുകൾ നൽകുന്നതാണ് പുതിയ അപ്ഡേറ്റ്. ആപ്പിൾ ഐഒഎസ് ബീറ്റ ഉപയോക്താക്കൾക്ക് ഇനി മുതൽ കോളുകൾ ചെയ്യുമ്പോൾ പുതിയ ഇന്റർഫേസ് കാണാൻ സാധിക്കും.
ഗ്രൂപ്പ് കോളുകള്‍ മിസ് ചെയ്താലും ഗ്രൂപ്പിലെ അംഗങ്ങള്‍ സംസാരിച്ച്‌ കഴിയുന്നതിനു മുന്നേ നിങ്ങള്‍ക്ക് അവരുമായി ജോയിന്‍ ചെയ്യാവുന്ന തരത്തില്‍ ബട്ടണ്‍ ലൈവ് ആയി നില്‍ക്കുന്നതാണ് ഈ സൗകര്യം. മുമ്പ് ആരെങ്കിലും ഓഡിയോ അല്ലെങ്കില്‍ വീഡിയോ ഗ്രൂപ്പ് കോളിനായി നിങ്ങളെ വിളിക്കാന്‍ ശ്രമിക്കുകയും നിങ്ങള്‍ ആ കോള്‍ മിസ് ചെയ്യുകയും ചെയ്താല്‍ മിസ്ഡ് കോള്‍ എന്ന നിലയിലായിരുന്നു രേഖപ്പെടുത്തിയിരുന്നത്. കോളിനിടയിൽ ഒരു ഉപയോക്താവ് നോക്കാൻ സാധ്യതയുള്ള ഓപ്ഷനുകളിലേക്ക് വേഗം എത്താൻ സാധിക്കുന്ന തരത്തിലാണ് പുതിയ ഇന്റർഫേസ് ക്രമീകരിച്ചിരിക്കുന്നത്.
നിലവിൽ ഈ ഫീച്ചർ ഐഒഎസ് ബീറ്റ ഉപയോക്താക്കൾക്ക് മാത്രമാണ് ലഭ്യമായിരിക്കുന്നത്. എന്നാൽ ഉടൻ തന്നെ ഇത് ആൻഡ്രോയിഡ് ബീറ്റ ടെസ്റ്റർമാർക്കും ലഭ്യമാകും. അതിനു ശേഷമാകും സാധാരണ ഉപയോക്താക്കൾക്ക് ലഭിക്കുക. തിരക്കിൽ ഗ്രൂപ്പ് കോളുകളിൽ ജോയിൻ ചെയ്യാൻ കഴിയാതെ പോകുന്നവർക്ക് സഹായകമായ ഒരു ഫീച്ചറാണിത്.
