ജനീവ: കോവിഡിനെ പ്രതിരോധിക്കാന് പ്രഖ്യാപിച്ച ആരോഗ്യ അടിയന്തരാവസ്ഥ പിന്വലിച്ച് ലോകാരോഗ്യ സംഘടന. ലോകത്ത് നിലവില് ഗുരുതര സാഹചര്യം നിലനില്ക്കുന്നില്ലെന്ന് കണ്ടാണ് നടപടി. എന്നാല് രോഗം പൂര്ണമായി മാറിയെന്ന് ഇതിന് അര്ത്ഥമില്ലെന്ന് ലോകാരോഗ്യ സംഘടന ഓര്മിപ്പിച്ചു. കോവിഡിന്റെ ഭീഷണിയില്നിന്ന് ലോകം പൂര്ണമായും മുക്തമായെന്ന് പറയാറായിട്ടില്ലെന്നു ഡബ്ല്യുഎച്ച്ഒ ഡയറക്ടര് ജനറല് ടെഡ്രോസ് അദാനം പറഞ്ഞു.
അതേസമയം രാജ്യത്ത് കോവിഡ് കേസുകളുടെ എണ്ണത്തില് വീണ്ടും വര്ധന രേഖപ്പെടുത്തി. 3,962 പുതിയ കോവിഡ് കേസുകളാണ് രാജ്യത്ത് പുതുതായി റിപ്പോര്ട്ട് ചെയ്തിരിക്കുന്നത്. കേന്ദ്ര ആരോഗ്യ മന്ത്രാലയത്തിന്റെ കണക്ക് പ്രകാരം രാജ്യത്ത് 36,244 സജീവ രോഗികളാണുള്ളത്.കോവിഡ് കേസുകള് വര്ധിക്കുന്ന സാഹചര്യത്തില് പ്രതിരോധ പ്രവര്ത്തനങ്ങള് ഊര്ജിതമാക്കണമെന്ന് കേരളമടക്കം എട്ട് സംസ്ഥാനങ്ങളോട് കേന്ദ്ര ആരോഗ്യ മന്ത്രാലയം നിര്ദേശിച്ചിരുന്നു.
