പട്ടാമ്പി : 19 കാട്ടുപന്നികളെ വെടിവച്ചു കൊന്നു. പട്ടാമ്ബി മുന്‍സിപ്പാലിറ്റിയുടെ നേതൃത്വത്തിലാണ് കാട്ടുപന്നികളെ വെടിവച്ചു കൊന്നത്. കൊടല്ലൂര്‍ പ്രദേശത്തിറങ്ങിയ കാട്ടുപന്നിക്കൂട്ടം വ്യാപകമായി കൃഷിനാശം വരുത്തിയിരുന്നു. ഇതേക്കുറിച്ച്‌ കര്‍ഷകര്‍ പരാതിയുമായി അധികൃതരെ സമീപിച്ചതോടെയാണ് നിലവിലെ ചട്ടപ്രകാരം കാട്ടുപന്നികളെ കൊന്നൊടുക്കാന്‍ തീരുമാനിച്ചത്. ഇതിനായി മുന്‍സിപ്പാലിറ്റി അധികൃതര്‍ വനംവകുപ്പിന്റെ സഹായം തേടി. വനംവകുപ്പ് ഉദ്യോഗസ്ഥരുടെ സാന്നിധ്യത്തില്‍ കാട്ടുപന്നികളെ വെടിവച്ചു കൊന്നശേഷം ഇന്‍ക്വസ്റ്റ് നടപടികള്‍ നടത്തി മറവു ചെയ്തു.
