തിരുവനന്തപുരം: റിപ്പബ്ലിക് ദിനാഘോഷങ്ങൾക്കായി തിരുവനന്തപുരം സെൻട്രൽ സ്റ്റേഡിയത്തിൽ എത്തിയ ഗവർണർ ആരിഫ് മുഹമ്മദ് ഖാനും മുഖ്യമന്ത്രി പിണറായി വിജയനും പരസ്പരം സംസാരിക്കാൻ തയാറായില്ല. വേദിയിൽ അടുത്തടുത്ത് ഇരുന്ന ഇരുവരും മുഖം കൊടുക്കാനും തയാറായില്ല.
തുടർച്ചയായ രണ്ടാം ദിവസമാണ് ഗവർണറും മുഖ്യമന്ത്രിയും മുഖം കൊടുക്കാൻ തയാറാകാതെ മടങ്ങിയത്. വ്യാഴാഴ്ച നിയമസഭയിൽ നയപ്രഖ്യാപനത്തിനു എത്തിയപ്പോഴും ഇരുവരും മുഖം കൊടുക്കാനോ സംസാരിക്കാനോ തയാറായിരുന്നില്ല.
സർക്കാരുമായുള്ള പോരിന്റെ രൂക്ഷത വ്യക്തമാക്കുന്നതായിരുന്നു ഗവർണറുടെ നീക്കം. റിപ്പബ്ലിക് ദിനാഘോഷങ്ങൾക്കായി മുഖ്യമന്ത്രി നേരത്തെ തന്നെ സെൻട്രൽ സ്റ്റേഡിയത്തിൽ എത്തിയിരുന്നു.





























