ബെംഗളൂരു : വ്യാഴാഴ്ച യുവതി തട്ടിക്കൊണ്ടുപോയ രണ്ടര വയസ്സുകാരിയായ നവ്യ എന്ന പെൺകുട്ടിയെ ബെംഗളൂരുവിലെ വയലിക്കാവിലെ ദേവയ്യ പാർക്കിന് സമീപം സുരക്ഷിതയായി കണ്ടെത്തി. തുടർന്ന് പോലീസ് കുട്ടിയെ വീട്ടുകാർക്ക് കൈമാറി. സുജാത എന്ന സ്ത്രീയാണ് കുട്ടിയെ കടത്തിക്കൊണ്ടു പോയത്. വഴിയാത്രക്കാരൻ യുവതിയുടെ അസാധാരണമായ പെരുമാറ്റം കണ്ട് അധികൃതരെ വിവരമറിയിച്ചതിനെ തുടർന്ന് പോലീസ് എത്തി കുട്ടിയെ രക്ഷപ്പെടുത്തുകയായിരുന്നു. കുട്ടിയെ കാണാനില്ലെന്ന വാർത്ത മാധ്യമങ്ങളിൽ പ്രച്ചരിക്കുന്നതിനിടെ , കുട്ടിയുമായി പോയ സുജാതയുടെ പെരുമാറ്റത്തിൽ സംശയം തോന്നിയതോടെയാണ് വഴിയാത്രക്കാരൻ വിവരം പോലീസിനെ അറിയിച്ചത്. തുടർന്ന് നിമിഷങ്ങൾക്കുള്ളിൽ സ്ഥലത്തെത്തിയ പോലീസ് കുട്ടിയെ രക്ഷപ്പെടുത്തുകയായിരുന്നു. ചോക്ലേറ്റ് വാങ്ങി നൽകാമെന്ന് പ്രലോഭിപ്പിച്ചാണ് വീട്ടുമുറ്റത്ത് നിന്ന് കളിക്കുകയായിരുന്ന കുട്ടിയെ പ്രതി തട്ടിക്കൊണ്ടു പോയത്. അതേസമയം , കണ്ടെത്തുബോൾ കുട്ടിയുടെ ചുണ്ടിൽ ചില മുറിവുകളുണ്ടായിരുന്നു എന്നാണ് റിപ്പോർട്ട്. ചോദ്യം ചെയ്യലിനായി സുജാത ഇപ്പോൾ പോലീസ് കസ്റ്റഡിയിലാണ്.
സംസ്ഥാന സര്‍ക്കാരിന്റെ ഇന്‍ഫര്‍മേഷന്‍ & പബ്ലിക് റിലേഷന്‍സ് ഡിപ്പാര്‍ട്ട്മെന്റിന്റെ (I&PRD) അംഗീകാരമുള്ള കേരളത്തിലെ 42 ഓണ്‍ ലൈന്‍ ചാനലുകളില്‍ ഒന്നും (മലയാള മനോരമ, ഏഷ്യാനെറ്റ്, മാത്രുഭൂമി തുടങ്ങിയവ ഉള്‍പ്പെടെ) പത്തനംതിട്ട, ഇടുക്കി ജില്ലകളിലെ ഏക അംഗീകൃത ഓണ്‍ലൈന്‍ ചാനലുമാണ് പത്തനംതിട്ട മീഡിയ. കേന്ദ്ര ഇന്‍ഫര്‍മേഷന്‍ & ബ്രോഡ്‌കാസ്റ്റിംഗ് മന്ത്രാലയത്തിന്റെ അംഗീകാരത്തോടെയാണ് പത്തനംതിട്ട മീഡിയയുടെ പ്രവര്‍ത്തനം. പുതിയ IT നിയമം അനുസരിച്ച് പരാതി പരിഹാരത്തിന് പ്രത്യേക സംവിധാനവും പത്തനംതിട്ട മീഡിയ ഒരുക്കിയിട്ടുണ്ട്. മറ്റുള്ള ചാനലുകള്‍ പോലെ സംസ്ഥാന വാര്‍ത്തകളോടൊപ്പം ദേശീയ, അന്തര്‍ദേശീയ വാര്‍ത്തകളും പ്രസിദ്ധീകരിക്കുന്ന ഓണ്‍ലൈന്‍ ന്യൂസ് പോര്‍ട്ടലാണ് പത്തനംതിട്ട മീഡിയ. വ്യാജ വാര്‍ത്തകളോ കെട്ടിച്ചമച്ച വാര്‍ത്തകളോ പത്തനംതിട്ട മീഡിയയില്‍ ഉണ്ടാകില്ല. വായനക്കാരുടെ അഭിപ്രായങ്ങള്‍ക്കും നിദ്ദേശങ്ങള്‍ക്കും മുന്തിയ പരിഗണന നല്‍കിക്കൊണ്ടാണ് മാനേജ്മെന്റ് മുമ്പോട്ടു പോകുന്നത്. ആപ്പ് പ്ലേ സ്റ്റോറില്‍ ലഭ്യമാണ്, തികച്ചും സൌജന്യമായി ഇത് ഡൌണ്‍ ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
