ഇടുക്കി: മാലിന്യ സംസ്കരണ യന്ത്രത്തില്‍ കൈ കുടുങ്ങി ശുചീകരണ തൊഴിലാളിക്ക് ഗുരുതര പരിക്ക്. പളനിസ്വാമിക്കാണ് വലത് കൈയ്ക്ക് ഗുരുതരമായി പരിക്കേറ്റത്. പ്ലാസ്റ്റിക്ക് മാലിന്യങ്ങള്‍ യന്ത്രങ്ങളുടെ സഹയത്തോടെ സംസ്കരിക്കുന്നതിന് ആവശ്യമായ സഹായങ്ങള്‍ ചെയ്തുകൊടുക്കുകയായിരുന്ന പളനിസ്വാമിയുടെ ജോലി.
കഴിഞ്ഞ ദിവസം മൂന്നാറില്‍ നിന്നും എത്തിച്ചിരുന്ന ടണ്‍ കണക്കിന് പ്ലാസ്റ്റ് മാലിന്യങ്ങള്‍ നിക്ഷേപിക്കുന്നതിനിടെ പളനിസ്വാമിയുടെ വലുകൈ യന്ത്രത്തില്‍ അകപ്പെടുകയായിരുന്നു. സഹപ്രവര്‍ത്തകര്‍ യന്ത്രം നിര്‍ത്തിയെങ്കിലും പളനിയുടെ കൈ മൂന്നായി ഒടിഞ്ഞു. ഗുരുതരമായി പരിക്കേറ്റ ഇയാള്‍ ഇപ്പോള്‍ കോലഞ്ചേരി മെഡിക്കല്‍ കോളേജല്‍ ചികിത്സയിലാണ്.
