അടൂർ: ഭക്ഷ്യ സുരക്ഷാ ഉദ്യോഗസ്ഥർക്ക് ലഭിച്ച പരാതിയെ തുടർന്ന് നടത്തിയ ഹോട്ടൽ പരിശോധനയിൽ പുഴുവരിക്കുന്ന ആഹാരസാധനങ്ങൾ അടൂരിലെ ഹോട്ടലില് നിന്ന് പിടികൂടി. ശീതീകരണ ഉപകരണങ്ങളിൽ പുഴുവരിച്ച മാംസവും കണ്ടെത്തി. അടൂർ സെൻട്രൽ ടോളിന് സമീപം പ്രവർത്തിക്കുന്ന അറേബ്യൻ ഡ്രീംസ് എന്ന സ്ഥാപനത്തിൽ നിന്നുമാണ് ഭക്ഷ്യയോഗ്യമല്ലാത്ത ആഹാരസാധനങ്ങള് ഉദ്യോഗസ്ഥർ പിടിച്ചെടുത്തത്.
അടുക്കളയും പരിസരവും വൃത്തിഹീനമായ ചുറ്റുപാടിലാണ് കാണപ്പെട്ടത്. മുൻപും ഇതേ ഹോട്ടലിൽ പരിശോധന നടത്തിയിട്ടുള്ളതാണ്. എന്നാല് വീണ്ടും ക്രമക്കേടുകൾ ആവർത്തിക്കുന്നതായിട്ടാണ് കാണുന്നതെന്ന് ഉദ്യോഗസ്ഥർ പറഞ്ഞു. ആരോഗ്യ പരിരക്ഷയും നിയമ ലംഘനവും കണക്കിലെടുത്ത് കര്ശന നടപടികൾ കൈക്കൊള്ളുമെന്നും സ്ഥാപനം പൂട്ടിയിടാന് നോട്ടീസ് നല്കിയിട്ടുണ്ടെന്നും ഉദ്യോഗസ്ഥര് പറഞ്ഞു. അടൂര് നഗരസഭയുടെ ആരോഗ്യവിഭാഗത്തിന്റെ കെടുകാര്യസ്ഥതയാണ് ഇത്തരം സംഭവങ്ങള് ആവര്തിക്കുന്നതിന്റെ കാരണമെന്നും നാട്ടുകാര് കുറ്റപ്പെടുത്തി.
