ദില്ലി: ബ്രിജ് ഭുഷനെ അറസ്റ്റ് ചെയ്തില്ലെങ്കില് ഡല്ഹി വളയുമെന്ന് മുന്നറിയിപ്പുമായി ഗുസ്തി താരങ്ങള്. പരാതിക്ക് പരിഹാരമുണ്ടായില്ലെങ്കില് കര്ഷക സമരത്തിന് സമാനമായി ഡല്ഹി വളഞ്ഞുള്ള സമരത്തിനാണ് ഗുസ്തി താരങ്ങളുടെ ആഹ്വാനം. ഇരുപത്തിയൊന്നാം തീയതി വരെയാണ് സര്ക്കാരിന് വിഷയത്തില് സമയം നല്കിയിട്ടുള്ളത്. രാഷ്ട്രീയ സ്വാധീനം കൊണ്ടാണ് ബ്രിജ് ഭൂഷന്റെ ചോദ്യം ചെയ്യല് വൈകുന്നതെന്ന് ഗുസ്തി താരം ബജരംഗ് പൂനിയ ആരോപിച്ചു. ബ്രിജ് ഭൂഷനെ അറസ്റ്റ് ചെയ്യണമെന്ന് ആവശ്യപ്പെട്ടുള്ള ഡല്ഹിയിലെ സമരം ശക്തമാക്കുകയാണ് ഗുസ്തിതാരങ്ങള്.
അതേസമയം തനിക്കെതിരായ ഒരു ആരോപണമെങ്കിലും തെളിയിക്കപ്പെട്ടാല് തൂങ്ങിമരിക്കുമെന്ന് റെസ്ലിംഗ് ഫെഡറേഷന് ഓഫ് ഇന്ത്യ മേധാവി ബ്രിജ് ഭൂഷണ് സിംഗ്. ബ്രിജ് ഭൂഷണ് സിംഗിന്റെ അറസ്റ്റ് ആവശ്യപ്പെട്ട് ഗുസ്തി താരങ്ങളായ ബജ്രംഗ് പുനിയ, വിനേഷ് ഫോഗട്ട്, സാക്ഷി മാലിക് ഉള്പ്പെടെയുള്ളവര് സമരം ശക്തമാക്കിയ സാഹചര്യത്തിലാണ് പുതിയ പ്രസ്താവന.
