ചെങ്ങന്നൂർ : വാഴാര്മംഗലം ശ്രീ കൃഷ്ണ സ്വാമി ക്ഷേത്രത്തിന്റെ ആറാട്ട് കടവിനുസമീപം ഇളയിടത്ത് അഞ്ജനം വീട്ടില് പുരുഷോത്തമന് പിള്ളയുടെ വീടിന്റെ മുറ്റം ഇടിഞ്ഞ് പമ്പയാറ്റില് പതിച്ചു. വാഴാര് മംഗലം ശ്രീ കൃഷ്ണ സ്വാമി ക്ഷേത്രത്തിന്റെ ആറാട്ട് കടവ് ഉള്പ്പെടുന്ന ഈ ഭാഗം ഇന്നലെ വെളുപ്പിനെ രണ്ടു മണിയോടെ ഇടിഞ്ഞ് പമ്പയാറ്റിലേക്ക് താഴുകയായിരുന്നു. സ്ഥലം ഇടിഞ്ഞു താഴ്ന്നതിന്റെ ഭാഗമായി ഇദ്ദേഹത്തിന്റെ വീടിനും കേടുപാടുകൾ സംഭവിച്ചിട്ടുണ്ട്.
വീടിന്റെ പടിഞ്ഞാറു വശം ഭിത്തി പൊട്ടിമാറി അടര്ന്നു നില്ക്കുകയാണ്. ഈ ഭാഗത്ത് പമ്പയാറ്റില് അടിയന്തിരമായി സംരക്ഷണ ഭിത്തി നിര്മ്മിക്കേണ്ടതാണെന്ന് നാട്ടുകാര് പറയുന്നു. നഗരസഭയിലെ താണപ്രദേശവും പമ്പാനദിയോട് ചേര്ന്നുകിടക്കുന്നതുമായ വാഴര്മംഗലം ഭാഗത്ത് സംരക്ഷണ ഭിത്തികെട്ടി സംരക്ഷിച്ചില്ലെങ്കിൽ ഇവിടെയുള്ള വീടുകളും ആറാട്ട് കടവും ഉള്പ്പടെയുള്ള സ്ഥലം ഇടിഞ്ഞ് പമ്പയാറ്റിൽ പതിച്ച് വലിയ ദുരന്തത്തിലേക്ക് വഴി തെളിക്കും.
