ആരോഗ്യഗുണങ്ങളേറെ ഉള്ള പുതിനയിലയിൽ ആന്റി ഓക്‌സിഡന്റുകള്‍, വിറ്റാമിന്‍ സി, അയേണ്‍, പൊട്ടാസ്യം, എന്നിവ അടങ്ങിയിരിക്കുന്നു. ദഹനപ്രശ്നം, ആസ്ത്മ പോലുള്ള ശ്വാസമുട്ടൽ, തലവേദന എന്നിവയ്‌ക്കെല്ലാം പുതിനയില നല്ലതാണ്. ഭക്ഷണസാധനങ്ങളിൽ മണവും രുചിയും ലഭിക്കുന്നതിനായി പുതിനയില ഉപയോഗിക്കുന്നു. ബിരിയാണി, പുലാവ്, തുടങ്ങിയയിൽ ഇത് ധാരാളമായി ഉപയോഗിക്കുന്നു. മിഠായി, ടൂത്ത്‌പേസ്റ്റുകൾ, മൗത്ത് വാഷ്, മൗത്ത് ഫ്രഷ്നർ , ച്യുയിംഗം തുടങ്ങിയവയിലൊക്കെ പുതിന ചേർക്കുന്നതിനാൽ പുതിനയ്ക്ക് ആവശ്യക്കാർ ഏറെയാണ്.
കൂടുതൽ മുതൽമുടക്കൊന്നും പുതിനയില കൃഷിയ്ക്ക് ആവശ്യമില്ല. വളരെ എളുപ്പത്തിൽ ചെയ്യാവുന്ന കൃഷിയാണിത്. വലിയ അറിവൊന്നും ഇതിന് ആവശ്യമേ ഇല്ല. ഇടയ്ക്കിടെ അല്പം വളവും വെള്ളവും കൊടുത്താൽ മാത്രം മതി. സ്ഥല പരിമിതി ഉള്ളവർക്ക് പുതിന കൃഷി ചട്ടിയിലും ഗ്രോബാഗിലും ചെയ്യാവുന്നതാണ്. എവിടെയായാലും നല്ല വിളവ് ഉറപ്പ്. കീടനാശിനികൾ ഉപയോഗിക്കാത്തതിനാൽ നമ്മുടെ നാട്ടിൽ കൃഷിചെയ്യുന്ന പുതിന ഇലകൾക്ക് ആവശ്യക്കാർ ഏറെയാണ്. വിപണിയിൽ തീരെ മോശമല്ലാത്ത വിലയും കിട്ടും.
കൃഷിരീതി
മറ്റുകൃഷികൾക്ക് പോലെ നടീൽ വസ്തുക്കൾക്കായി വേറൊരു തുക ചെലവെക്കേണ്ട ആവശ്യമില്ല. പച്ചക്കറി കടയിൽ നിന്നു വാങ്ങുന്ന പുതിന തണ്ട് ഉപയോഗിച്ചുതന്നെ കൃഷിചെയ്യാം. നടാനായി ആരോഗ്യമുള്ള തണ്ടുകൾ തന്നെ തിരഞ്ഞെടുക്കണംമെന്ന് മാത്രം. വാടിയതോ മുറിച്ചെടുത്തിട്ട് അധിക ദിവസമായതോ നടാൻ എടുക്കാതിരിക്കുന്നതാണ് നല്ലത്. അധികം വെയിലില്ലാത്ത സ്ഥലമാണ് കൃഷിക്കായി തിരഞ്ഞെടുക്കേണ്ടത്. നടാനായി മാറ്റിയ തണ്ടുകളിൽ നിന്ന് വലിയ ഇലകൾ നുള്ളികളയണം. ചാണകപ്പൊടി ഉൾപ്പടെയുള്ള ജൈവ വളങ്ങൾ ചേർത്ത് കിളച്ചൊരുക്കിയ മണ്ണിലാണ് പുതിന നടേണ്ടത്. മണ്ണിൽ ചെറിയ ചാലുകീറി അതിൽ നിശ്ചിത അകലത്തിൽ തണ്ടുകൾ വച്ചശേഷം മുകളിൽ അല്പം മണ്ണിട്ടുകൊടുത്താൽ മതി. ആവശ്യത്തിന് നനയ്ക്കാനും മറക്കരുത്. ദിവസങ്ങൾക്കകം പുതിന കാടുപോലെ വളർന്ന് പന്തലിക്കും.
ഇടയ്ക്കിടെ വളം നൽകാനും മറക്കരുത്. ചാണക വെള്ളത്തിന്റെ തെളിയും ഗോമൂത്രം നേർപ്പിച്ചതും പുതിനയ്ക്ക് ഏറെ മികച്ചതാണ്. ഇവ രണ്ടാഴ്ചയിലൊരിക്കലാണ് നൽകേണ്ടത്. ഇടയ്ക്കിടെ തുമ്പുകൾ വെട്ടുന്നത് പുതിന നന്നായി വളരുന്നതിനും കൂടുതൽ തണ്ടുകൾ ഉണ്ടാവുന്നതിനും നല്ലതാണ്. പുഴുശല്യം, തണ്ടുചീയൽ എന്നിവ ഉണ്ടായാൽ ജൈവ കീടനാശിനി പ്രയോഗിക്കാം.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
