കണ്ണൂര്‍ : കാര്‍ നിയന്ത്രണം വിട്ട് മരത്തിലിടിച്ച്‌ അപകടം യുവതി മരിച്ചു. കുടിയാന്മല സ്വദേശി വാളിപ്ലാക്കല്‍ വിനീഷിന്‍റെ ഭാര്യ സോജിയാണ് മരിച്ചത്. സാരമായി പരിക്കേറ്റ വിനീഷിനെയും അഞ്ചു വയസുള്ള കുട്ടിയേയും പരിയാരം സര്‍ക്കാര്‍ മെഡിക്കല്‍ കോളേജില്‍ പ്രവേശിപ്പിച്ചു.
ഇന്ന് വൈകുന്നേരം നാലു മണിയോടെയായിരുന്നു അപകടം. ഇവര്‍ സഞ്ചരിച്ചിരുന്ന കാര്‍ നിയന്ത്രണം വിട്ട് മരത്തിലിടിച്ച്‌ മറിയുകയായിരുന്നു. കാറില്‍ കുടുങ്ങിയ മൂവരേയും നാട്ടുകാര്‍ ചേര്‍ന്ന് പുറത്തെത്തിച്ചെങ്കിലും സോജിയുടെ ജീവന്‍ രക്ഷിക്കാനായില്ല. അപകടത്തില്‍ കാര്‍ പൂര്‍ണമായും തകര്‍ന്നു. സംഭവത്തില്‍ പോലീസ് കേസെടുത്തിട്ടുണ്ട്.
