അമ്പലപ്പുഴ : തോട്ടിയുടെ കൊളുത്ത് തലയില്‍ വീണ് യുവാവിന് ദാരുണാന്ത്യം. മാങ്ങ പറിക്കുന്നതിനിടെയാണ് സംഭവം. പുറക്കാട് പഞ്ചായത്ത് പുത്തന്‍ പറമ്പില്‍ ഉദയഭാനു ലിസി ദമ്ബതികളുടെ മകന്‍ ഹരികൃഷ്ണന്‍ ( 24 ) ആണ് മരിച്ചത്. കഴിഞ്ഞ ദിവസം ഉച്ചകഴിഞ്ഞ് 2.30ന് വീട്ടിലെ പറമ്പില്‍ നിന്ന് മാങ്ങ പറിക്കുന്നതിനിടയിലാണ് അപകടമുണ്ടായത്. തോട്ടിയില്‍ ഉപയോഗിച്ചിരുന്ന വളഞ്ഞ കമ്പി കെട്ടഴിഞ്ഞ് ഹരികൃഷ്ണന്റെ തലയില്‍ വീണു. തലയില്‍ തറച്ച കമ്പി ഉടന്‍ ഊരിയെടുത്ത് ഹരികൃഷ്ണനെ ആശുപത്രിയില്‍ പ്രവേശിപ്പിച്ചു. വണ്ടാനം മെഡിക്കല്‍ കോളജ് ആശുപത്രിയിലാണ് ആദ്യം എത്തിച്ചത്. എന്നാല്‍ ആരോഗ്യനില വഷളായതോടെ എറണാകുളത്തെ സ്വകാര്യ ആശുപത്രിയിലേക്ക് മാറ്റി. എന്നാല്‍ ജീവന്‍ രക്ഷിക്കാനായില്ല.
