വയനാട് : വാക്കുതര്‍ക്കത്തിനിടയില്‍ മര്‍ദ്ദനമേറ്റ യുവാവ് മരിച്ചു. വയനാട് തിരുനെല്ലി കാളാംങ്കോട് കോളനിയിലെ മാരയുടെ മകന്‍ ബിനുവാണ് (32) മരിച്ചത്. ശനിയാഴ്ച രാവിലെ കോഴിക്കോട് മെഡിക്കല്‍ കോളേജില്‍ ചികിത്സയിലിരിക്കെയായിരുന്നു അന്ത്യം. വെള്ളിയാഴ്ച രാത്രിയിലാണ് സുഹൃത്തുക്കള്‍ക്കിടെ നടന്ന വാക്കുതര്‍ക്കത്തില്‍ ബിനുവിന് പരിക്കേറ്റത്. ഉടന്‍ തന്നെ നാട്ടുകാര്‍ ആശുപത്രിയിലെത്തിച്ചു. ആദ്യം അപ്പപ്പാറ ആരോഗ്യ കേന്ദ്രത്തിലാണ് എത്തിച്ചത്. ഇതിന് പിന്നാലെ വയനാട് മെഡിക്കല്‍ കോളേജിലേക്ക് കൊണ്ടുപോയി. പിന്നീട് പരിക്ക് ഗുരുതരമാണെന്ന് കണ്ടെത്തിയതോടെ ആശുപത്രി അധികൃതര്‍ കോഴിക്കോട് മെഡിക്കല്‍ കോളേജിലേക്ക് റഫര്‍ ചെയ്യുകയായിരുന്നു.
