ചെന്നൈ : സിനിമയിലെ വില്ലന്‍ കഥാപാത്രത്തോട് താരതമ്യം ചെയ്തു പരിഹസിച്ചതില്‍ പ്രകോപിതനായ യുവാവ് സുഹൃത്തിനെ കുത്തിക്കൊന്നു. ശിവകാശിക്കടുത്ത് ആത്തൂര്‍ സുബ്രഹ്മണ്യപുരം സ്വദേശി മണികണ്ഠന്‍ (29) ആണ് കൊല്ലപ്പെട്ടത്. സംഭവത്തില്‍ സുഹൃത്ത് മുത്തുരാജ് (38) പിടിയിലായി. ഇരുവരും ഒരുമിച്ചു മദ്യപിക്കുന്നതിനിടെ മണികണ്ഠന്‍ ‘രാക്ഷസന്‍’ എന്ന തമിഴ് ചിത്രത്തിലെ വില്ലന്‍ കഥാപാത്രത്തിന്‍റെ പേരു വിളിക്കുകയും ശാരീരിക അവസ്ഥയുടെ പേരില്‍ കളിയാക്കുകയും ചെയ്തതിനെ തുടര്‍ന്നാണു മണികണ്ഠന്‍റെ കഴുത്തില്‍ മുത്തുരാജ് കുത്തിയത്. ഗുരുതര പരിക്കേറ്റ മണികണ്ഠന്‍ ആശുപത്രിയിലെത്തും മുന്‍പേ മരിച്ചു. 2 മാസം മുന്‍പായിരുന്നു മണികണ്ഠന്‍റെ വിവാഹം.
