ചിറ്റൂര് : ഓടുന്ന ട്രെയിനില് നിന്ന് ചാടിയ യുവതിയും രണ്ട് മാസം പ്രായമുള്ള കുഞ്ഞും മരിച്ചു. ആന്ധ്രാപ്രദേശിലെ ചിറ്റൂര് ജില്ലയിലെ ശ്രീകലഹസ്തിയിലാണ് സംഭവം.
ചന്ദന എന്ന സ്ത്രീയാണ് മരിച്ചത്. തിരുപ്പതിയിലെ കോളര്ഗുണ്ട സ്വദേശിനായ ഇവര് മുന്സിപ്പല് കോര്പ്പറേഷനിലെ ഒന്പതാം ഡിവിഷന് വളണ്ടിയറായി ജോലി ചെയ്യുകയായിരുന്നു. ശനിയാഴ്ച രാത്രി ഭര്ത്താവുമായി വഴക്കിട്ടതിനെ തുടര്ന്ന് ഇവര് വീട് വിട്ട് ഇറങ്ങി.
നെറിഗുണ്ട റെയില്വെ സ്റ്റേഷനില്വെച്ച് ട്രെയിനില് കയറിയ ഇവര് യാത്രയ്ക്കിടെ കുഞ്ഞുമായി ചാടുകയായിരുന്നെന്ന് പ്രാഥമിക അന്വേഷണത്തില് കണ്ടെത്തി. ഇത് സംബന്ധിച്ച് കേസ് എടുത്തതായും യുവതിയുടെ ഭര്ത്താവിനെയും ബന്ധുക്കളെയും ചോദ്യം ചെയ്യുമെന്നും പോലീസ് പറഞ്ഞു.
