കളമശ്ശേരി: എം.ഡി.എം.എയുമായി എറണാകുളത്ത് യുവതിയും യുവാവും പിടിയില്. ഇടപ്പള്ളി ടോള് ഭാഗത്ത് എം.ഡി.എം.എയുമായി മാവേലിക്കര ചെട്ടിക്കുളങ്ങര പടശ്ശേരി വീട്ടില് സുധീഷ് എസ് (27), ഇടുക്കി കട്ടപ്പന പീടികപ്പുരയിടത്തില് ആതിര (27) എന്നിവരാണ് പിടിയിലായത്. ഇവരില് നിന്ന് 3.9 ഗ്രാം എം.ഡി.എം.എയും കണ്ടെടുത്തു.
പ്രതികള് വന്കിട വില്പ്പനക്കാരില് നിന്ന് മയക്കുമരുന്ന് വാങ്ങി പാലാരിവട്ടം, ഇടപ്പള്ളി ഭാഗങ്ങളില് വില്പ്പന നടത്തുന്ന പ്രധാന കണ്ണിയില് പെട്ടവരാണ്. കൊച്ചി സിറ്റി ഡാന്സാഫും കളമശ്ശേരി പോലീസും ചേര്ന്ന് നടത്തിയ പരിശോധനയിലാണ് ഇവര് പിടിയിലായത്. ഇന്ഫോപാര്ക്ക് സ്റ്റേഷന് പരിധിയില് സുധീഷിന് അടിപിടി കേസ് നിലവിലുണ്ട്.
