ആലുവ : സ്കൂട്ടര് യാത്രക്കാരിയെ പിന്തുടര്ന്നെത്തി കടന്നുപിടിക്കാന് ശ്രമിച്ച പ്രതിയെ നാട്ടുകാര് പിടികൂടി പോലീസിന് കൈമാറി. ചുണങ്ങംവേലി മനയില് വീട്ടില് അജ്മലാണ് അറസ്റ്റിലായത്.
ചെവ്വാഴ്ച രാത്രി ഏഴോടെ കീഴ്മാട് ഡോണ്ബോസ്കോ ഭാഗത്തുവെച്ചായിരുന്നു സംഭവം നടന്നത്. വാഴക്കുളത്തെ സ്ഥാപനത്തില് നിന്ന് സ്കൂട്ടറില് വീട്ടിലേക്ക് പോകുകയായിരുന്ന 35കാരിയെ നാലാംമൈല് ഭാഗത്തുനിന്നും പിന്തുടര്ന്ന യുവാവ് ബൈക്ക് സ്കൂട്ടറില് ഉരസി മറിച്ചതായി യുവതി പറയുന്നു. റോഡിലേക്കുവീണ യുവതി എഴുന്നേല്ക്കാന് ശ്രമിക്കുമ്പോഴാണ് കടന്നുപിടിക്കാന് ശ്രമിച്ചത്. യുവതി ബഹളം വെച്ചതോടെ പ്രതി ബൈക്കുമായി കടന്നു. സമീപത്തെ ഹോളോബ്രിക്സ് സ്ഥാപനത്തില് ഉണ്ടായിരുന്ന യുവാക്കാള് പല വഴികളിലേക്കായി ബൈക്കുകളില് തെരച്ചില് നടത്തിയാണ് പ്രതിയെ കണ്ടെത്തിയത്. യുവതിയെത്തി തിരിച്ചറിയുകയും ചെയ്തു. പ്രതിയെ ആലുവ കോടതിയില് ഹാജരാക്കി.
