മണ്ണാര്ക്കാട്: നാളെ വിവാഹം നടക്കാനിരിക്കേ പ്രതിശ്രുത വരനെ തൂങ്ങി മരിച്ച നിലയില് കണ്ടെത്തി. കാഞ്ഞിരം ചേട്ടന്പടിയില് കളരിക്കല് വീട്ടില് പരേതനായ രാമകൃഷ്ണ പണിക്കരുടെ മകന് രഞ്ജിത്തിനെ(30)യാണ് വീടിന് സമീപത്തെ ലോഡ്ജില് തൂങ്ങി മരിച്ച നിലയില് കണ്ടെത്തിയത്.
കൊവിഡിനെ തുടര്ന്ന് നീട്ടിവെച്ച കുന്നംകുളം സ്വദേശിനിയുമായുള്ള വിവാഹമാണ് നാളെ നടക്കേണ്ടിയിരുന്നത്. വിദേശത്തായിരുന്ന രഞ്ജിത്ത് നാട്ടിലെത്തി ഇതേ ലോഡ്ജില് ക്വാറന്റൈന് പൂര്ത്തിയാക്കി കഴിഞ്ഞ ദിവസം വിവാഹ വസ്ത്രമുള്പ്പെടെ വാങ്ങിയിരുന്നു.
ഇന്നലെ ലോഡ്ജില് തന്നെ താമസിച്ച രഞ്ജിത്തിനെ രാവിലെ മുതല് പുറത്തേക്ക് കാണാതിരുന്നതിനെ തുടര്ന്ന് ബന്ധുക്കള് അന്വേഷിച്ചു ചെന്നപ്പോഴാണ് തൂങ്ങി മരിച്ച നിലയില് കണ്ടെത്തിയത്. പോലീസ് സ്ഥലത്തെത്തി തുടർ നടപടി സ്വീകരിച്ചു.
