കോഴിക്കോട്: കോട്ടപ്പറമ്പ് ആശുപത്രിക്ക് എതിര്വശത്തുള്ള സ്വകാര്യ ലോഡ്ജിലെ ബാല്ക്കണിയില് നിന്ന് വീണ് യുവാവ് മരിച്ചു. ബാലുശ്ശേരി സ്വദേശി ജിജോ വര്ഗീസ് (46) ആണ് മരിച്ചത്. ഇയാള്ക്കൊപ്പം താഴെവീണ മീഞ്ചന്ത സ്വദേശി സുരേഷിനെ(40) പരിക്കുകളോടെ മെഡിക്കല് കോളേജ് ആശുപത്രിയില് പ്രവേശിപ്പിച്ചു.
തിങ്കളാഴ്ച രാത്രി 9.50-ഓടെ ലോഡ്ജിന്റെ രണ്ടാമത്തെ നിലയിലെ ബാല്ക്കണിയില് നിന്ന് വീണാണ് അപകടം. ഇവരുടെ സുഹൃത്തായ സൂരജ് എന്നയാള് രാത്രിയോടെ റൂമിലെത്തി. രണ്ടുപേര് താഴെവീണത് സൂരജാണ് ലോഡ്ജ് അധികൃതരെ അറിയിച്ചത്. ഉടന്തന്നെ ബീച്ച് ഫയര് സ്റ്റേഷനില് നിന്ന് ഓഫീസര്മാരെത്തി ഇവരെ മെഡിക്കല് കോളേജില് എത്തിക്കുകയായിരുന്നു.
