പത്തനംതിട്ട : ദേശീയ രാഷ്ട്രീയത്തിൽ മതേതര കക്ഷികളുടെ തിരിച്ച് വരവിന് ബീഹാർ മോഡൽ കൂടുതൽ ശക്തി പകരുമെന്ന് യൂത്ത് ലീഗ് സംസ്ഥാന ജനറൽ സെക്രട്ടറി പി.കെ ഫിറോസ് അഭിപ്രായപ്പെട്ടു. രാജ്യത്തെ മതേതര ശക്തികൾ ഒന്നിച്ചാൽ ഫാഷിസത്തെ അധികാരത്തിൽ നിന്നും തൂത്തെറിയാൻ കഴിയുമെന്ന് യൂത്ത് ലീഗ് ജില്ലാ കമ്മിറ്റിയുടെ നേതൃത്വത്തിൽ പത്തനംതിട്ടയിൽ നടന്ന കൺവൻഷൻ ഉദ്ഘാടനം നിർവ്വഹിച്ച് സംസാരിക്കുകയായിരുന്നു അദ്ദേഹം.
ജില്ലാ വൈസ് പ്രസിഡന്റ് അബ്ദുൽ ആസാദ് അധ്യക്ഷത വഹിച്ചു. സംസ്ഥാന വൈസ് പ്രസിഡന്റ് കെ. എ മാഹിൻ മുഖ്യ പ്രഭാഷണം നടത്തി. സംസ്ഥാന ജോയിന്റ് സെക്രട്ടറി നസീർ കാര്യറ, ജില്ലാ ജനറൽ സെക്രട്ടറി റിയാസ് സലിം മാക്കാർ, സംസ്ഥാന പ്രവർത്തക സമിതി അംഗം അലി അസ്ഗർ മാഷ്, മുസ്ലിം ലീഗ് ജില്ലാ പ്രസിഡന്റ് ടി. എം ഹമീദ്, നിയാസ് എ ഖാദർ, ജാഫർ ഖാൻ, ഷാൻ പുള്ളോലിൽ, മുഹമ്മദ് സാലിഹ്, നിയാസ് റാവുത്തർ, റഫീഖ് ചാമക്കാല, സിറാഫത്ത്, ഷമീർ അണ്ണാവീട്, ഫഹദ് വെട്ടിപ്പുറം, താഹ മേട്ടുമ്പുറം, ഫിറോസ് ഖാൻ, തൗഫീഖ് കൊച്ചുപറമ്പിൽ, മുബാറക് റാവുത്തർ, റിയാസ് എച്ച്, ബിജു,സിറാജ് മെപ്പുറത്ത്, ബേബി കണ്ണങ്കര തുടങ്ങിയവർ പങ്കെടുത്തു.