കാസര്കോട് : മൊബൈല് ഗെയിം കളിച്ചതിന് അമ്മ ശാസിച്ചതിനെ തുടര്ന്ന് പതിനൊന്നുകാരി ആത്മഹത്യ ചെയ്തു. കാസര്കോട് മേല്പറമ്പ് കടാങ്കോട് സ്വദേശി അബ്ദുല് റഹ്മാന്- ഷാഹിന ദമ്പതികളുടെ മകള് ഫാത്തിമ അംനയാണ് ജീവനൊടുക്കിയത്. പഠിക്കാതെ മൊബൈലില് ഗെയിം കളിക്കുന്നത് കണ്ട അമ്മ കുട്ടിയെ ശാസിച്ചിരുന്നു. പിന്നെയും മൊബൈല് ഉപയോഗിക്കുന്നത് കണ്ടതോടെ അത് പിടിച്ചു വാങ്ങി വെച്ചു.
ഇതില് പിണങ്ങിപ്പോയ വിദ്യാര്ത്ഥിനി ചൂരിദാര് ഷാള് ഉപയോഗിച്ച് ജനല് കമ്പിയില് ചുറ്റി തൂങ്ങുകയായിരുന്നു. കുട്ടിയെ ഉടന് സ്വകാര്യ ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല. ചന്ദ്രഗിരി ഗവ. ഹൈസ്കൂളിലെ അഞ്ചാം ക്ലാസ് വിദ്യാര്ത്ഥിനിയാണ് ഫാത്തിമ അംന. സംഭവത്തില് മേല്പറമ്പ് പോലീസ് അസ്വാഭാവിക മരണത്തിന് കേസെടുത്ത് അന്വേഷണം ആരംഭിച്ചു.
