തിരുവനന്തപുരം: സര്ക്കാരിന്റെ 15 കിലോ കിറ്റ് എ.പി.എല്, ബി.പി.എല് വ്യത്യാസമില്ലാതെ നല്കണമെന്ന് പ്രതിപക്ഷ നേതാവ് രമേശ് ചെന്നിത്തല . രാജ്യത്ത് സമ്പൂര്ണ ലോക്ക്ഡൗണ് പ്രഖ്യാപിച്ചതോടെ സംസ്ഥാനത്ത് ബിപിഎല്ലുകാര്ക്ക് 15 കിലോ അരി അടങ്ങുന്ന കിറ്റ് വിതരണം ചെയ്യാന് പിണറായി സര്ക്കാര് തീരുമാനിച്ചതിനെതിരെയാണ് പ്രതിപക്ഷ നേതാവ് രമേശ് ചെന്നിത്തല രംഗത്ത് വന്നത്.
15 കിലോ അരി അടങ്ങുന്ന കിറ്റ് വിതരണം ചെയ്യുന്നതില് ബിപിഎല്-എപിഎല് വ്യത്യാസം കാണിക്കരുതെന്ന് രമേശ് ചെന്നിത്തല നിര്ദ്ദേശിച്ചു. രാജ്യം കൊറോണ ഭീതിയിലായിരിക്കുമ്പോള് ബിപിഎല് എന്നോ എപിഎല് എന്നോ വ്യത്യാസം കാണരുത്. മുഴുവന് ജന വിഭാഗങ്ങളും ഒരുപോലെ പ്രതിസന്ധി നേരിടുന്ന സാഹചര്യത്തിലൂടെയാണ് നമ്മള് കടന്നു പോകുന്നതെന്ന് ചെന്നിത്തല വ്യക്തമാക്കി.