പത്തനംതിട്ട : പോക്സോ കേസിൽ കോഴിക്കോട് സ്വദേശിയായ യുവാവിനെ പോലീസ് അറസ്റ്റ് ചെയ്തു. കോഴിക്കോട് താമരശേരിൽ പുതുപ്പാടി കൈതപ്പൊയിലിടുക്കിൽ വീട്ടിൽ ഫസലുദീൻ (33) ആണ് അറസ്റ്റിലായത്. തണ്ണിത്തോട് സ്വദേശിയായ 17 കാരിയുമായി ഇയാൾ ഫെയ്സ് ബൂക്കിലൂടെ പ്രണയത്തിലായിരുന്നു. കഴിഞ്ഞ 10 ന് പെൺകുട്ടിയെ കാണാതായതിനെ തുടർന്ന് മാതാപിതാക്കൾ പോലീസിൽ പരാതി നൽകി.
തുടർന്ന് നടത്തിയ അന്വേഷണത്തിലാണ് പത്തനംതിട്ടയിലെത്തിയ പെൺകുട്ടി ഇയാൾക്കൊപ്പം പോയതായി കണ്ടെത്തിയത്. കോഴിക്കോട്ടെത്തിയ പോലീസ് ഇയാളെ അറസ്റ്റ് ചെയ്തു. കോടതി റിമാൻഡ് ചെയ്തു. തണ്ണിത്തോട് സി.ഐ കെ.മനോജ്കുമാർ, എസ്.ഐ സി.എസ്.മനോജ്, എ.എസ്.ഐ മാരായ ബിജു, അഭിലാഷ്, സി.പി.ഒ. സുമേഷ്, വനിതാ സി.പി.ഒ സുഭദ്ര എന്നിവരുടെ നേതൃത്വത്തിലാണ് ഇയാളെ പിടികൂടിയത്.
