ചാവക്കാട് : തെക്കേ ബൈപാസിന് സമീപം ഉമ്മയെയും മകനെയും ആക്രമിച്ച കേസില് കാപ്പ കേസില് ശിക്ഷയനുഭവിച്ച പ്രതിയുള്പ്പെടെ രണ്ടുപേര് അറസ്റ്റില്. ചാവക്കാട് നമ്പിശേരി വീട്ടില് ഷഹീര് (പൊള്ളോക്ക് -35), തെക്കഞ്ചേരി മാനാത്ത് പറമ്പില് ഷഫീക്ക് (30) എന്നിവരെയാണ് ചാവക്കാട് എസ്.ഐ വി.പി. അഷ്റഫിന്റെ നേതൃത്വത്തില് അറസ്റ്റ് ചെയ്തത്. നിരവധി ക്രിമിനല് കേസുകളില് പ്രതിയായി കാപ്പ ചുമത്തി ഒരു വര്ഷത്തേക്ക് പോലീസ് നാടുകടത്തിയിരുന്ന ഷഹീര് ശിക്ഷയില് ഇളവ് നേടി കഴിഞ്ഞ ദിവസമാണ് നാട്ടിലെത്തിയത്.
തെക്കേ ബൈപാസ് റോഡില് പഴയ ദര്ശന തിയറ്ററിന് സമീപം താമസിക്കുന്ന കൊങ്ങണം വീട്ടില് ബക്കറിന്റെ ഭാര്യ ഖദീജ, മകന് ഷമീര് എന്നിവരെയാണ് ആക്രമിച്ചത്. ചൊവ്വാഴ്ച രാത്രിയായിരുന്നു സംഭവം. ഇരുവരും ചേര്ന്ന് ഷമീറിനെ മര്ദിക്കുന്നത് കണ്ട് തടയാന് എത്തിയപ്പോഴാണ് ഖദീജക്ക് മര്ദനമേറ്റത്. പ്രബേഷനറി എസ്.ഐ കണ്ണന്, സി.പി.ഒമാരായ ആഷിഷ്, വിനോദ്, ജയകൃഷ്ണന് എന്നിവരാണ് പ്രതികളെ അറസ്റ്റ് ചെയ്ത സംഘത്തിലുണ്ടായിരുന്നത്.
