കോവളം : ഫെയ്സ് ബുക്ക് വഴി പരിചയപ്പെട്ട യുവതിയെ കടത്തിക്കൊണ്ടുപോകാനെത്തിയ രണ്ടംഗ സംഘത്തെ തിരുവല്ലം പോലീസ് അറസ്റ്റുചെയ്തു. മലപ്പുറം കടമ്പോട് സ്വദേശികളായ ശിഹാബുദ്ദീന് (32), സുഹൈല് (21) എന്നിവരാണ് തിരുവല്ലം പോലീസിന്റെ പിടിയിലായത്. കഴിഞ്ഞ ദിവസം രാത്രി തിരുവല്ലം ജംഗ്ഷനില് പരിശോധന നടത്തിയ പോലീസ് പട്രോളിംഗ് സംഘമാണ് ഇവരെ പിടികൂടിയത്. ഇവര് സഞ്ചരിച്ച കാറില് നിന്ന് കഞ്ചാവും പുകയില ഉത്പന്നങ്ങളും കണ്ടെത്തിയതിനെ തുടര്ന്നുള്ള ചോദ്യം ചെയ്യലിലാണ് യുവതിയെ കൊണ്ടുപോകാനെത്തിയതാണെന്ന് ഇവര് വെളിപ്പെടുത്തിയത്.
യുവതിയുമായി ഫേയ്സ് ബുക്ക് വഴി സൗഹൃദം സ്ഥാപിച്ചത് ശിഹാബുദ്ദീനാണ്. ഇയാള് വിവാഹിതനും രണ്ടു കുട്ടികളുടെ പിതാവുമാണെന്നും ഭാര്യയുമായി പിണങ്ങി കഴിയുന്നതിനിടെയാണ് യുവതിയുമായി പരിചയപ്പെട്ടതെന്നും പോലീസ് പറഞ്ഞു. തിരുവല്ലം എസ്.എച്ച്.ഒ സജികുമാര്, എസ്.ഐ നിതിന്, ഗ്രേഡ് എസ്.ഐമാരായ വേണു, അരുണ് എന്നിവര് ഉള്പ്പെട്ട സംഘമാണ് ഇവരെ പിടികൂടിയത്. പ്രതികളെ ഇന്ന് കോടതിയില് ഹാജരാക്കും.
