പത്തനംതിട്ട : മൂഴിയാര് പവര് ഹൌസ് കോളനിയില് നിന്നും യുവതിയെ കാണാതായി. പ്രദേശത്ത് ഫയര് ഫോഴ്സും മൂഴിയാര് പോലീസും തെരച്ചില് ആരംഭിച്ചു. വ്യാഴാഴ്ച രാത്രി കാണാതായ യുവതിക്കുവേണ്ടി ഇന്നലെയും പോലീസ് തെരച്ചില് നടത്തിയിരുന്നു.
മൂഴിയാര് പവര് ഹൌസ് കോളനിയില് ബേബിയുടെ മൂത്ത മകള് മായയെ (20) ആണ് കാണാതായത്. വ്യാഴാഴ്ച രാത്രി ഒരുമണിയോടെ വീട്ടില് നിന്നും ഒറ്റയ്ക്ക് ഇറങ്ങുകയായിരുന്നു. 01:08 ന് പവര് ഹൌസിന്റെ മുമ്പിലുള്ള ക്യാമറയില് യുവതി ഒറ്റക്ക് നടന്നുപോകുന്ന ദൃശ്യം ലഭിച്ചിട്ടുണ്ട്. എന്നാല് എങ്ങോട്ടാണ് യുവതി ഒറ്റക്ക് പോയതെന്ന കാര്യം ഇപ്പോഴും അറിവില്ല. യുവതിയും അമ്മയും ഒരു സഹോദരിയും വല്യമ്മയും ഒന്നിച്ചാണ് വീട്ടില് താമസം. ഇന്നലെ പകല് മുഴുവന് പോലീസ് അരിച്ചുപെറുക്കിയിട്ടും ഒരുതുമ്പും ലഭിച്ചിരുന്നില്ല. ഇന്ന് രാവിലെ ഫയര് ഫോഴ്സ് സ്ഥലത്തെത്തി മൂഴിയാര് ഡാമില് ഉള്പ്പെടെ തെരച്ചില് നടത്തുന്നുണ്ട്.
