സുല്ത്താന് ബത്തേരി: മുത്തങ്ങ എക്സൈസ് ചെക്ക് പോസ്റ്റില് രാത്രി മൈസൂരുവില്നിന്ന് വന്ന കാലിത്തീറ്റ ലോറിയില് നിന്ന് 210 കിലോ ഹാന്സ് (21,000 പാക്കറ്റ്) പിടികൂടി. ലോറി ഡ്രൈവര് താമരശ്ശേരി വാവാട് വരുവിന് കാലായില് ഷാഹുല് ഹമീദിനെ (50) അറസ്റ്റ് ചെയ്തു. കാലിത്തീറ്റ, മുത്താറി എന്നിവയായിരുന്നു ലോറിയില് ഉണ്ടായിരുന്നത്. വിശദമായി പരിശോധിച്ചപ്പോഴാണ് കാലിത്തീറ്റകള്ക്കിടയില് ഒളിപ്പിച്ച ഹാന്സ് ചാക്കുകള് കണ്ടത്. എക്സൈസ് ഇന്സ്പെക്ടര് പി. ബാബുരാജ്, പ്രിവന്റിവ് ഓഫിസര്മാരായ കെ.അനില്കുമാര്, കെ.എസ്. സതീഷ്, സി.ഇ.ഒ സുനില്കുമാര് എന്നിവരാണ് ലോറി പരിശോധിച്ചത്.
