ചെന്നൈ : പരീക്ഷയ്ക്ക് ബ്ലൂടൂത്ത് ഉപകരണം ഉപയോഗിച്ച് കോപ്പിയടിച്ച 29 ഹരിയാന സ്വദേശികൾ അറസ്റ്റിൽ. ചെന്നൈ നന്ദമ്പാക്കത്ത് നടന്ന കരസേനയുടെ സിവിലിയൻ വിഭാഗത്തിലേക്കുള്ള നിയമനത്തിനായി നടത്തിയ പരീക്ഷയിലാണ് വിദ്യാര്ഥികള് കോപ്പിയടിച്ചത്. പരീക്ഷാ ഹാളിൽ നിരീക്ഷണത്തിനായി നിയോഗിക്കപ്പെട്ട ഉദ്യോഗസ്ഥന് സംശയം തോന്നിയതിനെത്തുടർന്ന് നടത്തിയ പരിശോധനയിലാണ് ഇവരുടെ പക്കൽനിന്ന് ബ്ലൂടൂത്ത് ഉപകരണം കണ്ടെടുത്തത്. ഇതിലൂടെ ഉത്തരങ്ങൾ ലഭിച്ചിരുന്നതായും കണ്ടെത്തി. വിവിധ സംസ്ഥാനങ്ങളിൽ നിന്നടക്കം ഒട്ടേറെപ്പേർ പരീക്ഷയെഴുതിയിട്ടുണ്ട്.
