കോഴിക്കോട്: വാടകവീട്ടില് കഞ്ചാവ് വില്പന നടത്തിയ കേസില് യുവതി ഉള്പ്പെടെ 4 പേര് അറസ്റ്റില്. ബാലുശേരി എകരൂല് അങ്ങാടിക്ക് സമീപം മെയിന് റോഡില് വാടകവീട് കേന്ദ്രീകരിച്ച് കഞ്ചാവ് വില്പന നടത്തിയ കേസിലാണ് ഇവര് പിടിയിലായത്. കണ്ണൂര് അമ്പായത്തോട് പാറച്ചാലില് അലക്സ് വര്ഗീസ് (24), സഹോദരന് അജിത് വര്ഗീസ് (22), താമരശ്ശേരി തച്ചംപൊയില് ഇ.കെ.പുഷ്പ എന്ന റജിന (40), രാരോത്ത് പരപ്പന്പൊയില് സനീഷ്കുമാര് (38) എന്നിവരാണ് അറസ്റ്റിലായത്.
രഹസ്യവിവരത്തിന്റെ അടിസ്ഥാനത്തില് ശനിയാഴ്ച ഉച്ചയോടെ പോലീസ് വാടക വീട്ടില് പരിശോധന നടത്തുകയായിരുന്നു. ഇവരില്നിന്ന് 9 കിലോ കഞ്ചാവ് കണ്ടെടുത്തു. അറസ്റ്റിലായ രണ്ടു പേര് വിവിധ കേസുകളില് പ്രതികളാണെന്ന് പോലീസ് പറഞ്ഞു. റജിനയ്ക്കെതിരെ മറ്റു സംസ്ഥാനങ്ങളിലും കേസുണ്ട്.
