24.5 C
Pathanāmthitta
Monday, December 6, 2021 8:38 pm
Advertismentspot_img

മുടി തഴച്ച് വളരാൻ സഹായിക്കുന്ന 5 ഭക്ഷണങ്ങൾ

മുടി ആരോ​​ഗ്യത്തോടെ തഴച്ച് വളരാൻ ആദ്യം ശ്രദ്ധിക്കേണ്ടത് ഭക്ഷണം തന്നെയാണ്. വിറ്റാമിനുകളും പ്രോട്ടീനുകളും അടങ്ങിയ ഭക്ഷണങ്ങളാണ് ഇതിനായി പ്രധാനമായി കഴിക്കേണ്ടത്. മുടി വളരാൻ ഇലക്കറികൾ, പയർ വർ​ഗങ്ങൾ, പച്ചക്കറികൾ എന്നിവ ഭക്ഷണത്തിൽ ധാരാളം ഉൾപ്പെടുത്തുക. മുടിയ്ക്ക് പ്രധാനമായി വേണ്ടത് പ്രോട്ടീനാണ്. മുട്ടയിൽ ധാരാളം പ്രോട്ടീൻ അടങ്ങിയിട്ടുണ്ട്. ദിവസവും ഓരോ മുട്ട വീതം കഴിക്കുന്നത് മുടി ആരോ​ഗ്യത്തോടെ വളരാൻ സഹായിക്കും.

മുട്ടയുടെ വെള്ളയും അൽപം വെളിച്ചെണ്ണയും ചേർത്ത് തലയിൽ പുരട്ടിയാൽ മുടികൊഴിച്ചിൽ തടയാനാകും. ആഴ്ച്ചയിൽ മൂന്നോ നാലോ തവണ മുട്ട കൊണ്ടുള്ള ഹെയർ പാക്ക് തലയിൽ പുരട്ടാവുന്നതാണ്. തലയ്ക്ക് തണുപ്പ് കിട്ടാനും മുട്ടയുടെ വെള്ള സഹായിക്കുന്നു. മുടി ആരോ​ഗ്യത്തോടെ തഴച്ച് വളരാൻ ഏറ്റവും മികച്ചതാണ് ഇലക്കറികൾ. ചീര, മുരങ്ങയില പോലുള്ളവ ഭക്ഷണത്തിൽ ധാരാളം ഉൾപ്പെടുത്തുക. ഇരുമ്പിന്‍റെ അംശം കുറയുമ്പോൾ മുടികൊഴിച്ചിലിന് കാരണമാകുന്നു. മുടികൊഴിച്ചിൽ അകറ്റാൻ പാലക് ചീര ധാരാളം കഴിക്കാവുന്നതാണ്.

ദിവസവും ഒന്നോ രണ്ടോ നട്സ് കഴിക്കുന്നത് ആരോ​ഗ്യത്തിന് മാത്രമല്ല മുടി തഴച്ച് വളരാനും വളരെ സഹായകമാണ്. പിസ്ത, ബദാം, അണ്ടിപരിപ്പ് പോലുള്ളവ മുടി ആരോ​​ഗ്യത്തോടെ വളരാൻ സഹായിക്കുന്നു. മുടികൊഴിച്ചിലിന് മാത്രമല്ല ഹൃദയസംബന്ധമായ അസുഖങ്ങൾ അകറ്റാനും നട്സ് കഴിക്കുന്നത് ഏറെ ​ഗുണം ചെയ്യും.

മുടി ബലമുള്ളതാക്കാനും ആരോ​​ഗ്യത്തോടെ തഴച്ച് വളരാനും വളരെ നല്ലതാണ് ക്യാരറ്റ്. ദിവസവും ഓരോ ക്യാരറ്റ് വച്ച് കഴിക്കുന്നത് മുടികൊഴിച്ചിൽ അകറ്റാനും മുടി വളരാനും സഹായിക്കുന്നു. മുടി വളർച്ചക്ക് പ്രധാനമായി വേണ്ട വിറ്റാമിനുകൾ ക്യാരറ്റിൽ ധാരാളം അടങ്ങിയിട്ടുണ്ട്. ക്യാരറ്റ് ജ്യൂസായോ അല്ലാതെയോ കഴിക്കാം. വിറ്റാമിൻ ഇ ധാരാളം അടങ്ങിയ പഴമാണ് അവോക്കാഡോ. മുടിയുടെ സംരക്ഷണത്തിന് ഏറ്റവും മികച്ചതാണ് അവോക്കാഡോ. രക്തയോട്ടം വർധിപ്പിക്കാനും പിഎച്ച് ലെവൽ നിയന്ത്രിക്കാനും അവോക്കാഡോ സഹായിക്കും.

- Advertisment -
Advertisment
Advertisment
- Advertisment -
- Advertisment -

Most Popular