ലക്നൗ : നബിദിനാഘോഷം കഴിഞ്ഞ് മടങ്ങുന്നതിനിടെ വൈദ്യുതാഘാതമേറ്റ് ആറ് പേര് മരിച്ചു. ഉത്തര്പ്രദേശിലെ ബഹ്റൈച്ച് ജില്ലയിലെ മസൂപുര് ഗ്രാമത്തിലാണ് സംഭവം. ഭഗ്ദവ സ്വദേശികളായ കുട്ടികളാണ് മരിച്ചത്. അഷ്റഫ് അലി, സുഫിയാന്, മുഹമ്മദ് ഇനല്യാസ്, തബ്രീസ്, അറഫാത്ത്, ഇദ്രീസ് എന്നിവരാണ് മരിച്ചത്. മൂന്ന് പേര്ക്ക് ഗുരുതരമായി പരിക്കേറ്റു.
മരണത്തില് ആദരാജ്ഞലികള് അര്പ്പിച്ച മുഖ്യമന്ത്രി യോഗി ആദിത്യനാഥ് ജില്ലാ മജിസ്ട്രേറ്റിനും മുതിര്ന്ന പോലീസ് ഉദ്യോഗസ്ഥര്ക്കും ആവശ്യമായ നടപടികള് സ്വീകരിക്കാനും വീട്ടുകാര്ക്ക് സഹായം നല്കാനും നിര്ദ്ദേശിച്ചു. ഇന്ന് പുലര്ച്ചെയാണ് നബിദിനാഘോഷ പരിപാടികള് അവസാനിച്ചത്. തുടര്ന്ന് യുവാക്കളും കുട്ടികളും അടങ്ങുന്ന സംഘം ഇസ്ലാമിക പതാക കെട്ടിയ ഇരുമ്പ് പൈപ്പ് ഘടിപ്പിച്ച കൈവണ്ടിയുമായി ഗ്രാമത്തിലേക്ക് ഘോഷയാത്രയായി പോവുകയായിരുന്നു. മസുപൂരില് എത്തിയപ്പോള് ഇരുമ്പ് പൈപ്പ് റോഡരികിലെ 11000 വോള്ട്ടിന്റെ വൈദ്യുത കമ്പിയില് തട്ടുകയായിരുന്നു. അഞ്ച് പേര് സംഭവസ്ഥലത്തും ഒരാള് ആശുപത്രിയില് വെച്ചുമാണ് മരിച്ചത്.
