കാസര്ഗോഡ് : ജില്ലയില് കൂടുതല് കൊറോണ ബാധ റിപ്പോര്ട്ടു ചെയ്ത ആറു പ്രദേശങ്ങള് പൂര്ണമായും പോലീസ് നിയന്ത്രണത്തിലാക്കി. അതിനാല് ഈ പ്രദേശങ്ങളിലെ ജനങ്ങള്ക്ക് ഇനി പുറത്തിറങ്ങാന് സാധിക്കില്ല. അവശ്യസാധനങ്ങള് പോലീസ് വീട്ടിലെത്തിച്ചു കൊടുക്കുമെന്ന് ഐ.ജി. വിജയ് സാഖറെ പറഞ്ഞു.
പള്ളിക്കര, ഉദുമ, ചെമ്മനാട്, മധുര്, മെഗ്രാല് പുത്തൂര് പഞ്ചായത്തുകളിലെയും കാസര്ഗോഡ് നഗരസഭയിലെയും പ്രദേശങ്ങളാണ് പൂര്ണ്ണമായും പോലീസ് നിയന്ത്രണത്തിലാവുക.
കനത്ത പോലീസ് ബന്തവസ്സ് ഉണ്ടാകും. ജനങ്ങള്ക്ക് അവശ്യസാധനങ്ങള് വാങ്ങാന് 9497935780 എന്ന വാട്സാപ്പ് നമ്പറിലേക്ക് സന്ദേശങ്ങള് അയക്കണം. കൂടാതെ പേരും ഫോണ്നമ്പറും ആവശ്യമായ സാധനങ്ങളുടെ ലിസ്റ്റും അയക്കണം പോലീസ് നേരിട്ട് സാധനങ്ങള് വീട്ടിലെത്തിക്കും.
അതെ സമയം യാത്രകള്ക്കും കൂടുതല് നിയന്ത്രണങ്ങള് ഉണ്ട് കാറില് ഡ്രൈവര് കൂടാതെ ഒരാള് കൂടിയേ അനുവദിക്കൂ. ഇരു ചക്രവാഹനങ്ങളില് ഒരാള് മാത്രമേ പാടുള്ളൂ. നിര്ദേശം ലംഘിക്കുന്നവരുടെ വാഹനങ്ങള് പിടിച്ചെടുക്കുമെന്നും ഐ ജി പറഞ്ഞു. വീട്ടിലേക്ക് ആവശ്യമായ സാധനങ്ങള് വാങ്ങാന് കൂട്ടമായി പുറത്തിറങ്ങുന്നത് ഇനി അനുവദിക്കില്ല അദ്ദേഹം പറഞ്ഞു.
