കോട്ടയം : ചങ്ങനാശ്ശേരിയിൽ വൻ ലഹരിവേട്ട. 60 ചാക്ക് നിരോധിത പുകയില ഉൽപ്പന്നങ്ങൾ പോലീസ് പിടികൂടി. ചങ്ങനാശേരി സ്വദേശി ഗോഡൗൺ ഉടമ മുഹമ്മദ് സമീർ ഖാൻ, ശരൺ , ഹരീഷ് , മാനന്തവാടി സ്വദേശി രാജേഷ് എന്നിവരെയാണ് പോലീസ് പിടികൂടിയത്. ജില്ലാ ഡാൻസാഫ് ടീമും ചങ്ങനാശ്ശേരി പൊലീസും ചേർന്നാണ് പ്രതികളെ പിടികൂടിയത്. പുകയില ഉത്പന്നങ്ങൾ കടത്താനുപയോഗിച്ച വാനും കസ്റ്റഡിയിലെടുത്തിട്ടുണ്ട്. വാഹന ഉടമയായ വയനാട് തിരുവനം സ്വദേശി ബാബുവിനെതിരെയും അന്വേഷണ സംഘം കേസെടുത്തു. ചങ്ങനാശേരി റെയിൽവേ അരമനപ്പടി റോഡിന് സമീപം പ്രവർത്തിക്കുന്ന സ്ഥാപനത്തിന് മുന്നിൽ നിർത്തിയിട്ടിരുന്ന വാഹനത്തിൽ നിന്നാണ് പുകയില ഉത്പന്നങ്ങൾ പിടികൂടിയത്. രഹസ്യ വിവരത്തെ തുടർന്നാണ് പ്രദേശത്ത് പൊലീസും ഡാൻസാഫ് സംഘവും പരിശോധന നടത്തിയത്. പ്രായപൂർത്തിയാവാത്ത വിദ്യാർത്ഥികൾക്ക് ഉൾപ്പെടെ വിൽപ്പന നടത്തി ലാഭം കണ്ടെത്താനാണ് ഇവ സൂക്ഷിച്ചിരുന്നതെന്ന് പൊലീസ് വ്യക്തമാക്കി.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
