തൃശ്ശൂര്: സ്ലാബ് തകര്ന്ന് സെപ്റ്റിക് ടാങ്കില് വീണ മുത്തശ്ശിയ്ക്കും രണ്ട് വയസുകാരിക്കും രക്ഷകരായി ഫയര്ഫോഴ്സ്. തൃശ്ശൂരിലെ ഒല്ലൂരില് വീടിന് പിറകിലെ സെപ്റ്റിക് ടാങ്കില് വീണ് കിടന്ന 62-കാരിക്കും രണ്ട് വയസുകാരിക്കുമാണ് അഗ്നിരക്ഷാസേന രക്ഷകരായത്. ഉപയോഗിക്കാത്ത ബലക്ഷയമുള്ള സെപ്റ്റിക് ടാങ്കിന് മുകളിലൂടെ നടക്കുമ്പോഴായിരുന്നു അപകടം.
കൊച്ചുമകളായ സിയയെ എടുത്ത് നടക്കുകയായിരുന്നു റീമ. ഈ സമയം സ്ലാബ് ഇടിഞ്ഞ് താഴേക്ക് പതിക്കുകയായിരുന്നു. തൃശൂരില് നിന്ന് അഗ്നിരക്ഷാസേന എത്തുകയും രക്ഷാപ്രവര്ത്തനം നടത്തുകയുമായിരുന്നു. ടാങ്കിന് അകത്ത് ഇറങ്ങി ആദ്യം സുരക്ഷിതമായി കുട്ടിയെ പുറത്തെത്തിച്ചു. തുടര്ന്ന് കാലില് പരുക്ക് പറ്റിയ സ്ത്രീയെ മറ്റ് പരുക്കുകള് കൂടാതെ സുരക്ഷിതമായി പുറത്ത് എത്തുകയും ചെയ്തു.
