മൂവാറ്റുപുഴ : പണം വെച്ച് ചീട്ടുകളിച്ച ഏഴ് പേരെ മൂവാറ്റുപുഴ പോലീസ് അറസ്റ്റ് ചെയ്തു. ഇവരില് നിന്ന് മൂന്നു ലക്ഷത്തോളം രൂപ പിടിച്ചെടുത്തു. മൂവാറ്റുപുഴ കിഴക്കേക്കര മണിയംകുളം കാഞ്ഞിരത്താംതടത്തില് സന്തോഷ് (40), ആവോലിക്കരയില് ചെരണയില് ജോണ്സണ് (58), ആവോലി വള്ളിക്കട കുട്ടങ്ങല് മജു (38), തൊടുപുഴ കാരിക്കോട് ചൂടതട്ടുങ്കല് കാസിം (40), വണ്ണപ്പുറം ടെമ്പിള് പോയിന്റ് വെളിയത്തുപറമ്പില് അജി (50), മാറാടി മണ്ണത്തൂര്കവല കായനാട് പ്രമോദ് (41), മണ്ണത്തൂര് കവല തങ്കഞ്ചേരിയില് പ്രദീപ് (47) എന്നിവരാണ് അറസ്റ്റിലായത്.
മുവാറ്റുപുഴ വജ്ര ഓഡിറ്റോറിയത്തിന്റെ താഴത്തെ നിലയിലായിരുന്നു ചീട്ടുകളി. ഇന്സ്പെക്ടര് എം.കെ.സജീവ്, എസ്.ഐ എല്ദോ കുര്യാക്കോസ്, എ.എസ്.ഐ മാരായ ജയകുമാര്, സുരേഷ്, എസ്.സി.പി.ഒ സി.ആര്.സുരേഷ്, സി.പി.ഒ മാരായ ബിബില് മോഹന്, സലിം.പി.ഹസ്സന്, സനല്.വി.കുമാര് എന്നിവരാണ് അന്വേഷണസംഘത്തില് ഉണ്ടായിരുന്നത്.
