ഡല്ഹി: 35 കാരിയായ ഭാര്യയെ കൊലപ്പെടുത്താന് കൊട്ടേഷന് കൊടുത്ത 71 വയസുകാരന് പിടിയില്. വിവാഹമോചനം ചെയ്യാന് ഒരു കോടി രൂപ ആവശ്യപ്പെട്ടതിനെ തുടര്ന്നാണ് ഭാര്യയെ കൊല്ലാന് കൊട്ടേഷന് കൊടുത്തത്. സംഭവത്തില് രണ്ട് പേരടങ്ങിയ കൊട്ടേഷന് സംഘത്തെയും പോലീസ് അറസ്റ്റ് ചെയ്തു.ഡല്ഹിയിലാണ് സംഭവം. ബുധനാഴ്ച ഉച്ചയ്ക്ക് 2.30ഓടെയാണ് കൊലയാളികള് യുവതിയെ കുത്തിക്കൊലപ്പെടുത്തിയതെന്ന് പോലീസ് പറഞ്ഞു. നിരവധി കുത്തേറ്റ നിലയില് യുവതിയുടെ മൃതദേഹം താമസസ്ഥലത്ത് നിന്ന് കണ്ടെത്തി.
ഡല്ഹി രജൗരി ഗാര്ഡനില് താമസിക്കുന്ന എസ്കെ ഗുപ്ത എന്നയാള് ഏതാണ്ട് 6 മാസങ്ങള്ക്കു മുന്പാണ് വിവാഹം കഴിച്ചത്. സെറിബ്രല് പാള്സിയുള്ള മകന് അമിത് ഗുപ്തയെ (45) ഇവര് സംരക്ഷിക്കുമെന്ന് കരുതിയായിരുന്നു വിവാഹം. എന്നാല്, ഭാര്യ ഇതിനു തയ്യാറായില്ല. തുടര്ന്ന് ബന്ധം അവസാനിപ്പിക്കാന് ഒരു കോടി രൂപ നല്കണമെന്ന് ഭാര്യ ആവശ്യപ്പെട്ടു. ഇതോടെയാണ് ഭാര്യയെ കൊലപ്പെടുത്താന് ഗുപ്ത കൊട്ടേഷന് നല്കിയത്.
