പത്തനംതിട്ട : വിദേശരാജ്യങ്ങളില്‍ നിന്ന് പത്തനംതിട്ട ജില്ലയിലെത്തിയ എട്ടു പ്രവാസികളെകൂടി നിരീക്ഷണത്തിലാക്കി. തിങ്കളാഴ്ച വൈകിട്ട് എത്തിയ ബഹ്റിനിന്‍- കോഴിക്കോട് വിമാനത്തില്‍ ജില്ലയില്‍ നിന്നുള്ള ഒരാളാണ് ഉണ്ടായിരുന്നത്. കരിപ്പൂര്‍ അന്താരാഷ്ട്ര വിമാനത്താവളത്തില്‍ നിന്ന് ആബുലന്‍സില്‍ ഇയാളെ ആദ്യം പത്തനംതിട്ടയിലെ കോവിഡ് കെയര്‍ സെന്ററിലെത്തിച്ചു. പനിയുടെ ലക്ഷണങ്ങള്‍ കാണിച്ചതിനെ തുടര്‍ന്ന് പിന്നീട് അടൂര്‍ ജനറല്‍ ഹോസ്പിറ്റലില്‍ നിരീക്ഷണത്തിലാക്കി. തിങ്കളാഴ്ച്ച രാത്രി ദുബായ്- കൊച്ചി വിമാനത്തില്‍ പത്തനംതിട്ട ജില്ലക്കാരായ എഴുപേരാണ് എത്തിയത്. ഇവരില്‍ മൂന്നുപേരെ പത്തനംതിട്ട കോവിഡ് കെയര്‍ സെന്ററിലും നാലുപേരെ വീടുകളിലും നിരീക്ഷണത്തിലാക്കി.
