കൊവിഡ് ബാധിച്ച് സൗദിയില്‍ ആലപ്പുഴ സ്വദേശി മരിച്ചു

ദമാം  : കൊവിഡ് ബാധിച്ച് സൗദിയില്‍ ഒരു മലയാളി കൂടി മരിച്ചു. ആലപ്പുഴ വട്ടയാല്‍ സ്വദേശി ജോണിയാണ് (52) ദമാം മെഡിക്കല്‍ കോംപ്ലക്സില്‍ മരിച്ചത്. ശ്വാസ തടസ്സത്തെ തുടര്‍ന്ന് കഴിഞ്ഞ വെള്ളിയാഴ്ചയാണ് ആശുപത്രിയില്‍ പ്രവേശിപ്പിച്ചത്. തുടർന്ന് തീവ്ര പരിചരണ വിഭാഗത്തില്‍ പ്രവേശിപ്പിച്ചു. 27 വര്‍ഷമായി ദമാം സ്‌റാകോ കമ്പനിയിലാണ് ജോലി ചെയ്യുന്നത്. ഫോട്ടോ കോപ്പി ഓഫീസിന്റെ ചുമതലയുള്ള ജീവനക്കാരനായിരുന്നു. കഴിഞ്ഞ നാല് വർഷ കാലമായി കിംഗ് ഫഹദ് പെട്രോളിയം ആന്റ് മിനറല്‍ യൂണിവേഴ്‌സിറ്റിയില്‍ ശുചീകരണ മെയിന്റെന്‍സ് വിഭാഗത്തില്‍ ഫോര്‍മാനായി ജോലി ചെയ്യുകയായിരുന്നു.