തിരുവനന്തപുരം: കടകളിലും സ്ഥാപനങ്ങളിലും നിശ്ചിത സമയത്ത് പ്രവേശിക്കാവുന്ന വ്യക്തികളുടെ എണ്ണം വ്യക്തമാക്കി പോസ്റ്റര് പതിക്കണമെന്ന് ഡിജിപി ലോക്നാഥ് ബെഹ്റ. പെട്ടെന്നു ശ്രദ്ധയില്പ്പെടുന്ന വിധം പോസ്റ്റര് പതിക്കുന്നതു വഴി നിയന്ത്രണം കര്ശനമായി നടപ്പാക്കാന് പോലീസിനു കഴിയുമെന്ന് അദ്ദേഹം അറിയിച്ചു. ഇക്കാര്യത്തില് നടപടിയെടുക്കാന് ക്രമസമാധാന വിഭാഗം എഡിജിപിക്കു നിര്ദേശം നല്കി.
അതേസമയം സംസ്ഥാനത്ത് ഇന്ന് സമ്പൂര്ണ ലോക്ഡൗണ് ഇല്ല. സാധാരണ ദിവസത്തേതുപോലുള്ള പ്രവര്ത്തനങ്ങള്ക്ക് ഇന്ന് സര്ക്കാര് അനുമതിയുണ്ട്. പരീക്ഷ കണക്കിലെടുത്ത് കഴിഞ്ഞ ഞായറാഴ്ച്ച ഇളവുകള് അനുവദിച്ചിരുന്നു. കഴിഞ്ഞ ആഴ്ച്ച നല്കിയ ഇളവുകള് പരിശോധിച്ചാണ് ഞായറാഴ്ച്ചത്തെ സമ്പൂര്ണ ലോക് ഡൗണ് സര്ക്കാര് ഒഴിവാക്കിയത്. മദ്യശാലകള്ക്കും തുറന്ന് പ്രവര്ത്തിക്കാന് അനുമതി നല്കിയിട്ടുണ്ട്. എന്നാല് കണ്ടയിന്മെന്റ് സോണുകളില് ജാഗ്രത നിയന്ത്രണങ്ങള് തുടരും.