യുകെ: നവംബര്‍ ആദ്യവാരം മുതല്‍ ഓക്സ്ഫോര്‍ഡ് യൂണിവേഴ്‌സിറ്റി വികസിപ്പിച്ചെടുത്ത കോവിഡ് പ്രതിരോധ വാക്സിന് ആളുകള്‍ക്ക് നല്കിത്തുടങ്ങുമെന്ന് റിപ്പോര്‍ട്ട്. സണ്‍ ന്യൂസ് പുറത്തുവിട്ട വിവരമനുസരിച്ച്‌ ബ്രിട്ടീഷ് സര്‍ക്കാര്‍ അവിടുത്തെ NHS ആശുപത്രികള്‍ക്കും ആരോഗ്യപ്രവര്‍ത്തകര്‍ക്കും വാക്‌സിനേഷനുവേണ്ട അടിയന്തിര ഒരുക്കങ്ങള്‍ പൂര്‍ത്തിയാക്കാന്‍ നിര്‍ദ്ദേശം നല്‍കിക്കഴിഞ്ഞു എന്നാണ്.
രാജ്യമൊട്ടാകെ 5 സ്ഥലങ്ങളിലായി ദിവസം പതിനായിരം ആളുകള്‍ക്ക് വീതം കൃസ്തുമസിനു മുന്‍പ് വാക്സിന് നല്‍കാനാണ് പദ്ധതിയിടുന്നത്. സര്‍ക്കാര്‍ ഇതുവരെ 10 കോടി ഡോസ് വാക്‌സിനാണ് ഓക്സ്ഫോര്‍ഡ് യൂണിവേഴ്‌സിറ്റിക്ക് ഓര്‍ഡര്‍ നല്‍കിയിരിക്കുന്നത്. ബ്രിട്ടനില്‍ ഈ വാക്സിന് ‘AZD1222 or ChAdOx1 nCoV-19’ എന്നാണ് പേരു നല്‍കിയിരിക്കുന്നത്. ഓക്സ്ഫോര്‍ഡ് യൂണിവേഴ്‌സിറ്റിയും അസ്ട്രസെനെക്കയും ചേര്‍ന്ന് സംയുക്തമായാണ് വാക്സിന് നിര്‍മ്മിച്ചിരിക്കുന്നത്.
