വാഷിങ്ടൺ : ലോകത്ത് കൊവിഡ് ബാധിതരുടെ എണ്ണം അഞ്ച് കോടി എഴുപത്തിയെട്ട് ലക്ഷം കടന്നു. ആറ് ലക്ഷത്തിലധികം പേര്‍ക്കാണ് പുതുതായി രോഗം സ്ഥിരീകരിച്ചത്. 13,76,750പേര്‍ മരിച്ചു. രോഗമുക്തി നേടിയവരുടെ എണ്ണം നാല് കോടി കടന്നു.
അമേരിക്കയില്‍ ഇതുവരെ 1,22,69,462 പേര്‍ക്കാണ് വൈറസ് ബാധ സ്ഥിരീകരിച്ചത്. 2,60,240 പേര്‍ മരണമടഞ്ഞു. രോഗമുക്തി നേടിയവരുടെ എണ്ണം എഴുപത്തിമൂന്ന് ലക്ഷം പിന്നിട്ടു. ബ്രസീലില്‍ അറുപത് ലക്ഷത്തിലധികം പേര്‍ക്കാണ് കൊവിഡ് സ്ഥിരീകരിച്ചത്. 1,68,662 പേര്‍ മരിച്ചു. രോഗമുക്തി നേടിയവരുടെ എണ്ണം അമ്ബത്തിനാല് ലക്ഷം പിന്നിട്ടു.
ഇന്ത്യയില്‍ കൊവിഡ് ബാധിതരുടെ എണ്ണം 90 ലക്ഷം കടന്നു. ആകെ മരണം 1.32 ലക്ഷവും പിന്നിട്ടു. കഴിഞ്ഞ ദിവസം 45882 പേര്‍ക്ക് കൊവിഡ് സ്ഥിരീകരിച്ചു. 44807 പേര്‍ രോഗമുക്തരായി. നാല്‍പ്പത് ദിവസങ്ങള്‍ക്ക് ശേഷമാണ് രോഗമുക്തരേക്കാള്‍ കൂടുതല്‍ രോഗികള്‍ റിപ്പോര്‍ട്ട് ചെയ്യുന്നത്. നിലവില്‍ 4,437,94 പേരാണ് ചികിത്സയിലുള്ളത്. രോഗമുക്തിനിരക്ക് 93.60 ശതമാനമായി ഉയര്‍ന്നു.
