തിരുവനന്തപുരം : വിതുരയില് വീടിനുളളില് മൃതദേഹം കുഴിച്ചിട്ട നിലയില്. സമീപത്ത് രക്തക്കറയും കണ്ടെത്തി. കൊലപാതകമെന്നാണ് സംശയം. മൃതദേഹം അഞ്ചുദിവസംമുമ്പ് കാണാതായ പേപ്പറാ സ്വദേശി മാധവനന്റേതാണ്. മാധവിന്റെ സുഹൃത്തായ താജുദ്ദീന്റെ വീടിനുള്ളിലാണ് മൃതദേഹം കണ്ടെത്തിയത്. ഇയാള് ഒളിവിലാണ്.
മൃദദേഹം കുഴിയില് നിന്ന് പുറത്തെടുത്തു, കൂടുതല് പഴക്കമില്ലാത്തതിനാല് ആറെ തിരിച്ചറിയാന് കഴിഞ്ഞു. തുടര്ന്നാണ് താജുദ്ദീന്റെ സുഹൃത്ത് മാധവനാണ് കൊല്ലപ്പെട്ടതെന്ന് തിരിച്ചറിഞ്ഞത്. കഴിഞ്ഞ ദിവസം താജുദ്ദീനും മാധവനും ഇവിടെ എത്തിയിരുന്നു എന്ന് പരിസരവാസികള് പറയുന്നു. മാധവനെ അഞ്ചു ദിവസം മുമ്പ് കാണാതായിരുന്നു എന്ന് പോലീസ് പറയുന്നു. ഇരുവരുടേയും പേരില് നിരവധി കേസുകള് നിലവിലുണ്ട് .
രണ്ടു പേരും ചാരായം വാറ്റുന്നതും പതിവായിരുന്നു, തുടര്ന്നുണ്ടായ വാക്കു തര്ക്കമാണ് കൊലപാകത്തിന് കാരണമായതെന്നാണ് പോലീസ് നിഗമനം . ഇന്ന് രാവിലെ സമീപത്തെ വീട്ടില് തൊഴിലുറപ്പ് പണിക്കായി എത്തിയ സ്ത്രീകളാണ് ദുര്ഗന്ധം വന്നതിനെ തുടര്ന്ന് പരിസരം നിരീക്ഷിക്കുകയും തുടര്ന്ന് പോലീസില് വിവരം അറിയിക്കുകയും ചെയ്തത്. മൃതദേഹം കണ്ടെത്തിയ വീട്ടിനു പുറകുവശത്ത് ആളെ വലിച്ചിഴച്ചു കൊണ്ടുപോയ പാടുകളും രക്തക്കറയും കണ്ടെത്തി. കൂടുതല് തെളിവുകള് ശേഖരിക്കുന്നതിന് ഫോറന്സിക് വിദഗ്ദര് സ്ഥലത്തെത്തിയിട്ടുണ്ട്.