കൊച്ചി: കൊച്ചിയിലെ ഷോപ്പിംഗ് മാളില്‍ വച്ച്‌ ചെറുപ്പക്കാര്‍ അപമാനിക്കാന്‍ ശ്രമിച്ചെന്ന് യുവനടിയുടെ വെളിപ്പെടുത്തലില്‍ നടപടിയുമായി പോലീസ്. മാളിലെ സിസിടിവി പരിശോധിക്കുമെന്നും അതിന് ശേഷം കേസ് എടുക്കുന്ന കാര്യം ആലോചിക്കുമെന്നും കളമശ്ശേരി സിഐ പറഞ്ഞു.
കുടുംബവുമൊത്ത് ഷോപ്പിങ്ങിന് വന്നപ്പോല്‍ ആണ് ഇത് നടന്നതെന്ന് യുവ നടി പറഞ്ഞു. സോഷ്യല്‍ മീഡിയയിലൂടെയാണ് നടി ഇക്കാര്യം അറിയിച്ചത്. കൊച്ചിയിലെ പ്രമുഖ ഷോപ്പിംഗ് മാളില്‍ വെച്ചാണ് സംഭവം നടന്നത്.
ശരീരത്തില്‍ സ്പര്‍ശിച്ചതിന് ശേഷം ചെറുപ്പക്കാര്‍ തന്നെ പിന്തുടര്‍ന്നെന്നാണ് നടി ഇന്‍സ്റാഗ്രാമിലൂടെ അറിയിച്ചത്. എന്നാല്‍ ഇതില്‍ പരാതി നല്‍കുന്നില്ലെന്നും നടിയും കുടുംബവും അറിയിച്ചു. ഇന്നലെ രാത്രിയാണ് നടി ഇതു സംബന്ധിച്ച പോസ്റ്റ് ഇന്‍സ്റ്റാഗ്രാമില്‍ പങ്കുവെച്ചത്.
