വയനാട് : ബന്ധുക്കള് പരസ്പരം വെട്ടി ഒരാള് കൊല്ലപ്പെട്ടു ഒരാളുടെ നില ഗുരുതരം. ബന്ധുക്കള് തമ്മിലുണ്ടായ വാക്കുതര്ക്കത്തെ തുടര്ന്ന് ഒരാള് വെട്ടേറ്റ് മരിച്ചു. വയനാട് കേണിച്ചിറ പരപ്പനങ്ങാടി സ്വദേശി കവളമാക്കല് സജി ആണ് മരിച്ചത്. സജിയെ ആക്രമിച്ച മാങ്ങാട്ട് അഭിലാഷ് ഗുരുതര പരിക്കുകളോടെ ചികില്സയിലാണ്.
ഇന്നലെ രാത്രി പത്തരയോടെയാണ് സംഭവം. വൈകുന്നേരം ആറരയോടെ ഇരുവരും ഒരുമിച്ച് മദ്യപിക്കുകയും പിന്നീട് വഴക്കിടുകയും ചെയ്തിരുന്നു. തുടര്ന്ന് രാത്രി വീടിന് സമീപത്തെ റോഡില് വെച്ച് വീണ്ടും വഴക്കിട്ടതിനെ തുടര്ന്ന് സജിയുടെ കൈയ്ക്ക് അഭിലാഷ് വെട്ടുകയായിരുന്നുവെന്നാണ് വിവരം. ആദ്യം ബത്തേരിയിലെ ആശുപത്രിയിലും പിന്നീട് കോഴിക്കോട് മെഡിക്കല്കോളേജിലും പ്രവേശിപ്പിച്ചെങ്കിലും ഇന്നു പുലര്ച്ചെ മരിച്ചു.