ആരോഗ്യകരമായ ചർമ്മം നിലനിർത്തുന്നതിന് വിറ്റാമിൻ എ പ്രധാന പങ്കാണ് വഹിക്കുന്നത്. വിറ്റാമിൻ എ ശരീരത്തിന് പ്രധാനമാണ്, കാരണം ഇത് പ്രതിരോധശേഷി വർദ്ധിപ്പിക്കുകയും കണ്ണിന്റെ പ്രവർത്തനം നിയന്ത്രിക്കുകയും അസ്ഥികളുടെ ആരോഗ്യം മെച്ചപ്പെടുത്തുകയും ചെയ്യുന്നു. വിറ്റാമിൻ എയിൽ റെറ്റിനോൾ അടങ്ങിയിട്ടുണ്ട്.
ഇത് പുതിയ ചർമ്മകോശ ഉൽപാദനത്തെയും വളർച്ചയെയും പ്രോത്സാഹിപ്പിക്കുന്നു. മാത്രമല്ല വിറ്റാമിൻ എ അകാല വാർദ്ധക്യത്തിലേക്ക് നയിക്കുന്ന ലക്ഷണങ്ങൾ തടയുകയും ചെയ്യുന്നു. വിറ്റാമിൻ എ യുടെ കുറവ് വരണ്ട ചർമ്മത്തിന് കാരണമാകുമെന്ന് പഠനങ്ങൾ ചൂണ്ടിക്കാട്ടുന്നു. വിറ്റാമിൻ എ ചർമ്മത്തിൽ ഈർപ്പം നിലനിർത്താൻ സഹായിക്കുകയും ചെയ്യുന്നു.
ചർമ്മത്തിന്റെ ഇലാസ്തികതയിൽ കൊളാജൻ ഒരു പ്രധാന പങ്ക് വഹിക്കുന്നു. വിറ്റാമിൻ എ ചർമ്മത്തിന്റെ ഇലാസ്തികത നിലനിർത്താൻ സഹായിക്കുന്ന കൊളാജന്റെ ആരോഗ്യകരമായ ഉൽപാദനത്തിന് സഹായിക്കും.ചർമ്മത്തിലെ പിഗ്മെന്റേഷൻ, കറുത്ത പാടുകൾ എന്നിവ മാറാൻ വിറ്റാമിൻ എ അടങ്ങിയ ഭക്ഷണങ്ങൾ കഴിക്കുക. തക്കാളി വിറ്റാമിൻ എയാൽ സമ്പുഷ്ടമാണ്. മാത്രമല്ല, തക്കാളിയിൽ അടങ്ങിയിരിക്കുന്ന ‘ലൈക്കോപീൻ’ എന്ന ആന്റിഓക്സിഡന്റ് ചർമ്മ സംരക്ഷണത്തിന് സഹായിക്കുന്നു. മുഖത്തെ നേർത്ത വരകൾ കുറയ്ക്കുകയും തക്കാളി നല്ലതാണ്.
ഉയർന്ന പ്രോട്ടീൻ അടങ്ങിയ ഭക്ഷണമാണ് മുട്ട. മുടിയുടെയും ചർമ്മത്തിന്റെയും ആരോഗ്യത്തിന് ഏറെ നല്ലതാണ് മുട്ട. മുട്ടയുടെ വെള്ള അൽപം റോസ് വാട്ടറും ചേർത്ത് ഫേസ് പാക്കായി ഉപയോഗിക്കുന്നത് മുഖത്തെ കരുവാളിപ്പ് മാറാൻ ഏറെ നല്ലതാണ്. മാത്രമല്ല, ബ്രോക്കോളി, ചീര, മധുരക്കിഴങ്ങ് തുടങ്ങിയവ ഭക്ഷണങ്ങളിലും വിറ്റാമിൻ എ ധാരാളമായി അടങ്ങിയിരിക്കുന്നു.