ന്യൂഡൽഹി : രാജ്യത്ത് കഴിഞ്ഞ 24 മണിക്കൂറിൽ 26,041 പുതിയ കോവിഡ് പോസിറ്റീവ് കേസുകൾ റിപ്പോർട്ട് ചെയ്തു. ഇതോടെ കോവിഡ് സ്ഥിരീകരിച്ചവരുടെ ആകെ എണ്ണം 3,36,78,786 ആയി. 276 മരണം കൂടി കോവിഡ് മൂലമാണെന്ന് സ്ഥിരീകരിച്ചതോടെ ആകെ മരണസംഖ്യ 4,47,194. ഒറ്റ ദിവസം 29,621 പേർ കോവിഡിൽനിന്ന് മുക്തി നേടിയതോടെ ആകെ രോഗമുക്തരുടെ എണ്ണം 3,29,31,972. നിലവിൽ 2,99,620 പേരാണ് രാജ്യത്ത് ചികിത്സയിലുള്ളത്.
പ്രതിവാര രോഗസ്ഥിരീകരണ നിരക്ക് (1.94%) കഴിഞ്ഞ 94 ദിവസമായി 3 ശതമാനത്തിൽ താഴെയാണ്. പ്രതിദിന രോഗസ്ഥിരീകരണ നിരക്ക് (2.24%) കഴിഞ്ഞ 28 ദിവസമായി 3 ശതമാനത്തിൽ താഴെയായി തുടരുന്നു. ഇതുവരെ 86.01 കോടി ഡോസ് വാക്സീൻ നൽകിയെന്നും കേന്ദ്രം അറിയിച്ചു.